Mo Mo Kushiage (已結業)

之前同朋友好耐無見，約去尖沙咀飲下酒吹下水又可以坐下食好野，之後去厚福街搵野食，藍馬商業大廈原來都好多食店，到最後揀咗炸串。【仁井田自然酒】標榜全天然造酒。生酛純米原酒，米味十足，甜度剛剛好。生酛造酒加天然發酵的味道，味道帶點甘甜。【自家制果酒-荔枝味】酸酸甜甜的荔枝味果酒，口感醇香、順喉，嘆下飲下一流。【鹽燒牛舌】燒得勁香，口感又夠彈性又軟嫩多汁。【炸泡菜豚足】在日本真沒有食過，在香港都是第一次食，真很特別，炸粉薄，豬皮連埋肉一起食超軟淋，真不錯。【小芋-上、鵪鶉蛋-下】小芋係芋頭的一種，口感帶點外脆內粉，不錯。鵪鶉蛋細細隻，炸得剛剛好，外脆內嫩，蛋味濃。【火腿芝士】口感香脆又不膩，食到仲有拉絲的感覺，真係非常美味，送酒一流。【炸帶子三文魚籽】薄薄的炸粉，帶子炸得剛剛好，非常嫩口，再配埋鮮甜三文魚籽一起食，值得推介。【關東煮-五款】牛肋肉、蒟蒻、蘿蔔、里芋、男爵馬鈴薯，整體非常入味，湯仲帶點甜，是不錯選擇。