頹飯 (已結業)

星期五係中環幫襯咗一間外賣小店「頹飯」，十分高質，值得推介店面雖然簡單，不過分工清晰有效率，落完order幾分鐘就有得拿，對於分秒必爭的打工一族真係好方便！介紹下呢個餐「招牌薄牛肉飯」配燒肉汁。牛肉片舖滿半盒飯，嫩滑唔怕「鞋」。老闆係即叫即煮牛肉的，牛肉雖然大塊但唔同外面連鎖快餐長時間煲著d肉，所以唔怕「鞋」、老。牛肉用了香料醃製，未落燒肉汁已經好香。老闆秘制的燒肉汁將整盒牛肉飯帶到另一層次。少甜的肉汁點肉、拌飯都一流，食不到味精味，明顯地「頹飯」老闆一d都唔求其、唔馬虎！另外，牛肉下面鋪了少許車厘番茄、粟米粒，好清新，啱送飯之餘亦可以保持健康-唔怕齋食肉做「食肉獸」！飯可以轉意粉，仲可以配三款醬汁下午茶價錢好大眾，選擇雖然不多，但勝在款式設計夠心思，抵讚！特別一提，呢間小店同網上外賣平台 合作，以後叫外賣可以多一個優質的選擇了！