尚夢・茳煳 (已結業)

媽咪一向鐘意食中菜，聽同事講灣仔呢間中菜館值得一試，於是趁放假就揸車帶媽咪嚟試下，餐廳附近有咪錶停車位，方便揸車嘅朋友。燉湯係杞子淮山雞湯，湯底非常足料，甜而不膩。美極香煎龍躉球 ($298) : 貴為斑魚之王，除咗營養價值非常高之外口感同味道都超級正，所以一直都受到好多人嘅青睞，龍躉肉質非常飽滿，而且散發出絲微嘅香味，真心冇得頂。尚夢終極小炒皇 ($188) : 高級版小炒皇，有別於平日嘅配料，用咗蝦乾、珊瑚蚌、新鮮帶子等矜貴食材，所以食起嚟鮮味十足。