影片
更多
2023-10-13
2302 瀏覽
約咗屋企人食飯，揀咗尖沙咀呢間酒樓。之前晏晝飲過茶，食物唔錯，環境都坐得舒服，有啲似婚宴場地。我哋今次晚飯都好滿意。黑糖叉燒 $168叉燒肥瘦適中，燒得好靚，邊邊有焦焦，黑糖甜甜，甘香甘香，肉質鬆軟，濕潤有肉汁😋金沙墨魚仔 $78炸得金黃香脆，炸粉好薄，包住裏面嘅爽滑墨魚仔，鹹蛋黃味香濃，甘香甘香，好香口嘅一個小食👍🏻姬松茸燉螺頭湯$108/位價錢有點小貴，但係真材實料，每一盅燉湯裏面都有螺頭、瑤柱、姬松茸兩隻、雞、瘦肉，燉湯好香好甜😋招牌釀焗響螺 $128/隻賣相好靚😍釀響螺嘅材料除咗有螺肉粒之外，仲有好香嘅洋蔥、薯蓉、爽爽嘅馬蹄、青豆、同埋一啲好似肉碎🤔有少少咖喱味，食落好香，唔會膩😋頭抽煎班片 $228斑片大大件，魚皮充滿骨膠原，煙靭煙靭😍魚肉爽滑，鮮味唔會腥，配上頭抽更加突顯魚鮮味。面頭一啲炸薑絲令到呢個餸菜更加香😋咖哩牛油焗大蝦呢隻蝦好巨型，超級大隻😍每隻蝦頭都充滿甘香嘅蝦膏，蝦身下面𠝹左一度，所以搣殼比較易，而且較為入味👍🏻唔好聽個名咖喱牛油就以為係好濃味，其實佢唔會遮到蝦嘅鮮味，個汁主要係上湯嘅味道加少少咖喱味提香，配搭海鮮恰到好處😋雖然隻蝦超級大隻，但係廚師火候啱啱好，
黑糖叉燒 $168
叉燒肥瘦適中，燒得好靚，邊邊有焦焦，黑糖甜甜，甘香甘香，肉質鬆軟，濕潤有肉汁😋
金沙墨魚仔 $78
炸得金黃香脆，炸粉好薄，包住裏面嘅爽滑墨魚仔，鹹蛋黃味香濃，甘香甘香，好香口嘅一個小食👍🏻
姬松茸燉螺頭湯$108/位
價錢有點小貴，但係真材實料，每一盅燉湯裏面都有螺頭、瑤柱、姬松茸兩隻、雞、瘦肉，燉湯好香好甜😋
招牌釀焗響螺 $128/隻
賣相好靚😍釀響螺嘅材料除咗有螺肉粒之外，仲有好香嘅洋蔥、薯蓉、爽爽嘅馬蹄、青豆、同埋一啲好似肉碎🤔有少少咖喱味，食落好香，唔會膩😋
頭抽煎班片 $228
斑片大大件，魚皮充滿骨膠原，煙靭煙靭😍魚肉爽滑，鮮味唔會腥，配上頭抽更加突顯魚鮮味。面頭一啲炸薑絲令到呢個餸菜更加香😋
咖哩牛油焗大蝦
呢隻蝦好巨型，超級大隻😍每隻蝦頭都充滿甘香嘅蝦膏，蝦身下面𠝹左一度，所以搣殼比較易，而且較為入味👍🏻唔好聽個名咖喱牛油就以為係好濃味，其實佢唔會遮到蝦嘅鮮味，個汁主要係上湯嘅味道加少少咖喱味提香，配搭海鮮恰到好處😋雖然隻蝦超級大隻，但係廚師火候啱啱好，蝦肉爽滑，一啲都唔會過火靱。
淮山鑽石浸羽衣甘藍 $128
食咗咁多好嘢，梗係要食返個蔬菜😆我哋揀咗呢個超級有營養嘅羽衣甘藍菜式，好似茶樓都比較少有🤔羽衣甘藍用上湯浸，入晒味，配上爽口嘅鮮淮山粒同埋清新嘅蕃茄粒，清淡得來又好食😋
張貼
