八月居 (海港城) (已結業)

限聚令放寬左，由每枱最多只可以四人，增加至每枱最多八人。好耐無去尖沙咀行街，因為好多舖頭經常早收，今晚決定黎八月居食晚餐。晚上七點半左右入座，睇下Menu 覺得選擇不多，而且咁早已經無呢樣無果樣😥，有d失望。點左兩款小食，椒鹽脆豆腐丶芥辣蟹子手撕雞，同埋幾款小菜，即燒原隻脆脆BB豬丶薑蔥斑頭腩煲丶菠蘿咕嚕嚕肉丶薄荷安格斯牛肉炒菜遠丶落神花黑豚骨。每款菜式都好出色，而服務方面都唔錯，每位員工都有禮貎。