影片
更多
2020-11-03
97 瀏覽
朋友想約長沙灣食飯，問我有乜好介紹，諗起幾個月前食過一間有特色好味道的飯店，於是就約埋一齊去食。一行四人坐落未諗到食乜，先叫個開胃菜，麻辣手撕雞，用秘制醬汁配上扎肉，青瓜，蔥絲，麻得嚟唔太辣，食到停唔到口。跟住開始點主菜，服務員推介我哋食魚米之鄉，用上湯清蒸沙巴魚配炸過的米、小雲耳及鮮淮山 ; 魚肉鮮嫩，入口溶化好滑，真係冇介紹錯。朋友比較鍾意食重口味菜，要食豉油皇鵝腸，肥美的鵝腸爽口彈牙又惹味。再來豉椒炒花甲，花甲鮮甜味十足又冇沙，朋友話係佢最愛。我就揀咗鳳梨脆皮咕嚕肉，用新鮮菠蘿配青、紅及黃三色椒加洋蔥炒，咕嚕肉特別炸得爽脆、酸甜汁味適中，非常好味。最後叫多個生炒糯米飯，廚師用上臘腸、臘肉、冬茹粒加蝦米炒，十分惹味。食飽緊係要食埋女仕們最愛的糖水，生磨蛋白杏仁茶，廚師用新鮮杏仁磨碎煮成，入口有香濃杏仁味加上蛋白，簡直冇得輸，這餐飯幾位朋友都話我冇介紹錯，佢哋話下次一定要 encoure !
一行四人坐落未諗到食乜，先叫個開胃菜，麻辣手撕雞，用秘制醬汁配上扎肉，青瓜，蔥絲，麻得嚟唔太辣，食到停唔到口。
跟住開始點主菜，服務員推介我哋食魚米之鄉，用上湯清蒸沙巴魚配炸過的米、小雲耳及鮮淮山 ; 魚肉鮮嫩，入口溶化好滑，真係冇介紹錯。
朋友比較鍾意食重口味菜，要食豉油皇鵝腸，肥美的鵝腸爽口彈牙又惹味。再來豉椒炒花甲，花甲鮮甜味十足又冇沙，朋友話係佢最愛。
我就揀咗鳳梨脆皮咕嚕肉，用新鮮菠蘿配青、紅及黃三色椒加洋蔥炒，咕嚕肉特別炸得爽脆、酸甜汁味適中，非常好味。最後叫多個生炒糯米飯，廚師用上臘腸、臘肉、冬茹粒加蝦米炒，十分惹味。
食飽緊係要食埋女仕們最愛的糖水，生磨蛋白杏仁茶，廚師用新鮮杏仁磨碎煮成，入口有香濃杏仁味加上蛋白，簡直冇得輸，這餐飯幾位朋友都話我冇介紹錯，佢哋話下次一定要 encoure !
張貼
