影片
更多
2023-06-21
469 瀏覽
宴客首選元朗高質粵菜我不嬲都成日同我朋友推薦廣東名門，今次親戚係大陸落黎我二話不說帶佢黎呢度試香港少有性價比高的高質粵菜，非一般酒樓級數！環境方面地方亦非常闊落，當日服務員數量充足，我地啲茶水無曬都無試過自己舉手，都係服務員細心留意到自動自覺，呢一點好抵讚！佢呢度仲有自來海鮮加工，平時我就一定會話自己屋企煮得好食啲嘅，不過呢一間師傅嘅手勢我信得過，會考慮下次攞海鮮過嚟椒鹽焗肉排（138）簡單例牌都可以食得出廚師嘅功架，出面嘅椒鹽肉排，好多時候都係放一啲炸到凍晒嘅蒜同埋滲啲味椒鹽上去。呢度就真係認真做菜比客人食，佢嘅椒鹽係特別配製嘅調味料，辣椒嘅味道亦都好出，肉排方面係半肥瘦好似啖啖都食緊豬扒邊名門太子炒飯（128）呢度炒飯嘅特別之處係有松子仁同蟹子，兩者都為呢個鎹增添左一番風味，松子仁嘅香味同埋蟹子彈牙嘅口感，仲有啲菜粒係入面。飯炒到粒粒金黃又乾身，好靚。整體黎講出色但係每樣配料都好平衡又有發揮作用原個椰皇燉滑奶（58）需時30分鐘。即叫即焗。入面嘅奶非常之嫩滑又唔會過甜，因為喺椰皇入邊燉出嚟，所以入邊嘅椰子都可以刨落嚟同埋啲奶一齊食。雖然一個睇起上嚟唔係好大，但係幾個人食呢個甜品份量
我不嬲都成日同我朋友推薦廣東名門，今次親戚係大陸落黎我二話不說帶佢黎呢度試香港少有性價比高的高質粵菜，非一般酒樓級數！
環境方面地方亦非常闊落，當日服務員數量充足，我地啲茶水無曬都無試過自己舉手，都係服務員細心留意到自動自覺，呢一點好抵讚！
佢呢度仲有自來海鮮加工，平時我就一定會話自己屋企煮得好食啲嘅，不過呢一間師傅嘅手勢我信得過，會考慮下次攞海鮮過嚟
椒鹽焗肉排（138）
簡單例牌都可以食得出廚師嘅功架，出面嘅椒鹽肉排，好多時候都係放一啲炸到凍晒嘅蒜同埋滲啲味椒鹽上去。呢度就真係認真做菜比客人食，佢嘅椒鹽係特別配製嘅調味料，辣椒嘅味道亦都好出，肉排方面係半肥瘦好似啖啖都食緊豬扒邊
名門太子炒飯（128）
呢度炒飯嘅特別之處係有松子仁同蟹子，兩者都為呢個鎹增添左一番風味，松子仁嘅香味同埋蟹子彈牙嘅口感，仲有啲菜粒係入面。飯炒到粒粒金黃又乾身，好靚。整體黎講出色但係每樣配料都好平衡又有發揮作用
原個椰皇燉滑奶（58）
需時30分鐘。即叫即焗。
入面嘅奶非常之嫩滑又唔會過甜，因為喺椰皇入邊燉出嚟，所以入邊嘅椰子都可以刨落嚟同埋啲奶一齊食。雖然一個睇起上嚟唔係好大，但係幾個人食呢個甜品份量就啱啱好
呢度揸車入黎方便啲嘅，公共交通工具就到元朗站轉巴士或小巴
最後原來廣東名門集團旗下仲有幾間舖頭都係元朗附近同埋都好出名，信心保證
張貼
