緻 (已結業)

去咗將軍澳donki入貨，行完後見到間日式餐廳，主打串燒，都幾吸引就入去試下先。店名叫"緻"好有格調，裝修得唔錯， 充滿著日式風格，坐得舒服，有如置身日本感覺。先叫咗兩款飽肚之選打一打底，再嗌串燒同甜品。松葉蟹冷麵整個感覺好清新，冷面幼滑，配上松葉蟹，好鮮味， 傳統食法配上生蛋同醬汁。鰻魚茶漬飯鰻魚的份量不少有六片，係厚身嗰隻，離遠也聞到燒得好香。湯底用壺上熱辣辣， 食得出心機炮製， 趁熱淋在飯上一起吃。串燒方面(肉類)梅醬加拿大豬拖羅柚子日本五花腩煙鹽蔥沖美國牛小排藥膳青蔥雞腿肉總括嚟講，肉質都好高質新鮮，燒得好juicy， 佢每一種肉類都用咗唔同醃製的方法， 值得讚賞。串燒方面( 蔬菜類)煙鹽日本小蕃薯味噌茄子汁燒冬菇極力推介味噌茄子，燒得 外皮香脆 內裏軟綿綿加上醬汁，非常惹味。 細細舊冬菇同小蕃薯都唔輸蝕， 同樣好味。年糕好有驚喜，年糕先炸過，外脆內煙靭， 再配上菠蘿雪糕， 再加上士多啤梨汁， 酸酸甜甜， 層次豐富。