酒川

營業中

休息中

今晚約左岩岩番香港嘅朋友食晚飯，酒店係附近，又想食串燒，就簡左呢間鋪頭。酒川嘅環境好寬敞，咁岩撞正老闆，佢都好關心食物質素，仲介紹原來酒川有兩層，二樓仲有三間K房，其中兩間仲有獨立廁所，樓梯位仲好岩打卡，真係估唔到！1.大蝦烏冬呢個大蝦係天婦羅炸蝦，佢上菜嘅時候都好熱辣辣，最好食係啲粉唔厚，入面好厚蝦肉，加埋沙律醬就好夾！而烏冬呢主要清湯底，但都夠味，仲有好多甜粟米同木耳，烏冬嘅韌度岩岩好！2.帶子呢個燒帶子好香好好味，首先係好大隻，而且好新鮮，食落口好鮮甜，更重要係落左好多蒜蓉係側邊，食得出帶子係整到岩岩好，帶子軟嫩多汁，大推帶子！3.Beef Cubes牛柳粒份量都夠兩個人食，肉質實嫩，鎖著好多汁，一口一舊非常方便。4.雞中翼呢個cp值好高，亦都好細心咁中間分開左，令雞翼唔會過熟，食到入邊嘅肉質都好嫩滑，最重要表面燒到脆而香，好岩用黎送酒！