影片
更多
2021-12-28
70 瀏覽
大角咀出名多小店，今日選擇咗一間好特別嘅燒烤店，舖頭唔大，得幾張枱，但係老細每日入啲新鮮嘅海鮮同菜，所以每日都可能食到唔同嘅嘢。菜單上冇嘅食材，佢哋會畫幅畫挂係牆上俾客人睇，好得意😍而且佢哋好樂意同客人交流，話啲串燒冇落味精㗎，希望健康啲同埋等大家可以食到新鮮食材嘅味道，真係好少有咁用心嘅餐廳。極上生燒鰻魚飯舖頭最出名係鰻魚飯，而且係生燒，真係好少有，佢哋連醬汁都係自家製，用鰻魚骨熬製嘅，真係好好味。鰻魚亦好重本咁用日本嘅鱔，所以每一塊都勁肥美，勁滿足。不過老板娘話唔係日日有貨，所以最好打去book定。附送嘅關東煮都好好味，煮到勁入味，正。因為點咗太多嘢食，重點介紹吓一啲特別啲嘅菜或者下次去會再點嚟食嘅嘢😊特製生燒叉燒 -- 生燒叉燒，又係要用好多時間同心機整嘅，燒得好香，甜度啱啱好，好好味。健力士啤酒腸 -- 呢隻腸好特別，係健力士啤酒廠整嘅，真係有啤酒味，好味。煙肉荔枝圈 -- 好特別嘅配搭，食過煙肉同其他水果嘅串燒，不過都係覺得同荔枝最夾，好味。蒜蓉生燒原條茄子 -- 呢度嘅燒茄子同出邊嘅有少少唔同，冇咁重口味，食完唔會口乾。燒芥蘭苗 -- 又係好特別嘅嘢，未試過燒嚟食，原來都幾
極上生燒鰻魚飯
舖頭最出名係鰻魚飯，而且係生燒，真係好少有，佢哋連醬汁都係自家製，用鰻魚骨熬製嘅，真係好好味。鰻魚亦好重本咁用日本嘅鱔，所以每一塊都勁肥美，勁滿足。不過老板娘話唔係日日有貨，所以最好打去book定。
附送嘅關東煮都好好味，煮到勁入味，正。
因為點咗太多嘢食，重點介紹吓一啲特別啲嘅菜或者下次去會再點嚟食嘅嘢😊
特製生燒叉燒 -- 生燒叉燒，又係要用好多時間同心機整嘅，燒得好香，甜度啱啱好，好好味。
健力士啤酒腸 -- 呢隻腸好特別，係健力士啤酒廠整嘅，真係有啤酒味，好味。
煙肉荔枝圈 -- 好特別嘅配搭，食過煙肉同其他水果嘅串燒，不過都係覺得同荔枝最夾，好味。
蒜蓉生燒原條茄子 -- 呢度嘅燒茄子同出邊嘅有少少唔同，冇咁重口味，食完唔會口乾。
燒芥蘭苗 -- 又係好特別嘅嘢，未試過燒嚟食，原來都幾好味，菜葉脆脆地，值得一試。
琥珀焦糖萍果 -- 鍾意甜嘅人可以試吓呢個，好特別，可以當飯後甜品。
好熱情嘅一間小店，所有嘢都親力親為，重視品質同客人感受，好滿足嘅一餐飯😊😊已經推介俾身邊嘅朋友，希望大家有興趣都去幫襯吓，不過舖頭唔大，所以建議大家book定位。
張貼
