酒燒弄

營業中

休息中

酒燒弄 大角咀大全街43號大滿樓地下1A號舖今日行緊大角咀時，超大雨！想行走都走唔到，咁岩隔離有間招牌用霓虹燈做成的串燒店「酒燒弄」，所以都決定入去食下同避下雨。餐廳裝修有少少香港舊色特點，坐落都幾舒服。食物方面串燒款式多，有d都係出面較難搵到，例如：雞皮、雞尾、雞頸等。另外，都會有d精選一人set！當然係我眼中都係酒酒酒！😍😍有好多唔同sake賣，正呀！🤤今次叫左個一人set b同埋yuzu highball飲1.一人set b佢有3個1人set,a/b/c，每個set串燒都有d唔同，價錢由二百幾至四百幾不等！我揀左中價的B set入面有10樣串燒！串燒質素高，火喉控制得宜，唔會燒到乾晒，調味都唔錯，唔需要我再落調味料!我最鍾意佢個雞翼，燒到皮脆肉嫰，正😋😋依一個一人set真係食到我勁飽！2.yuzu highball聞落好香柚子味道，酒味唔算濃，易入口加上柚子清香，可以化解左串燒嘅油膩，非常好😍整體黎講，餐廳環境舒適，食物質素高，適合三五知己坐低食下飲下傾下計。