皊叄木

營業中

休息中

前幾天和朋友到元朗皊叄木食串燒，店面雖然不大，但感覺幾雅致，而且又鄰近朗屏站，很方便，是一個飲酒食野聊天的好地方。食串燒梗係要飲番杯啤酒，這裏的黑啤不太苦澀，很順喉，不錯。香梨果酒很有特色，可選擇不同樣式的琉璃杯，有冰盤冰著可保持果酒冰涼，梨味好香濃。燒五花山葵卷，不覺油膩，好爽脆，肉質甘香。燒花枝丸好好味，廚師燒得好靚，金黃不燶，入口爽彈美味。燒牛丸也好味，能保持肉汁，不會乾，一樣爽口，正！炸壽司，好特別，之前未食過，脆中有軟，調味恰到好處，有食上癮的感覺。燒芝士炸蠔，炸蠔本身沒有什麼特別，但加上燒過的芝士，又有另一番食味。焦糖生命多士，賣相和名稱都幾有趣，相當脆口，焦糖包著多士，有一種焦香，但不會太甜，這個一定要試下。炸雞皮，樣子都幾搞笑，撐都很大塊，薄薄一片，超級脆，好似食薯片，食完卻不覺油膩。唐揚雞塊胡麻烏冬，烏冬相當煙韌彈牙，配上胡麻醬，冰冰涼涼，好開胃。雞塊都幾多件，外皮酥脆，內有肉汁，廚師有一定的功底。燒大蔥，好香口，食多了肉，食些大蔥調和一下都不錯。