海街丼 (E-Max) (已結業)

呢幾日去開emax，之前黎呢頭追星已經心心眼左呢間餐廳好耐，今日朋友都話想試呢間餐廳😍係好好食既日本丼飯呀😍一入餐廳已經好舒服，怖滿靚靚既日本裝飾👍🏻🎈醬汁吞拿魚丼呢款丼飯有醬汁吞拿魚（少辣），吞拿魚蓉，鮭魚籽，吞拿魚蓉勁多，差唔多鋪滿整個飯面，好好食，完全唔駛沾豉油已好夠味👍🏻而且店員教我哋，食到2/3左右，可以加上魚湯，形成茶漬飯！勁有驚喜！魚生鮮味，而且醬汁吞拿魚味道做得好好，怕辣人士都食到👍🏻🎈滑蛋豬扒丼今日仲有少少唔舒服，所以試左個熟食既丼飯😋味道好正！豬扒完全唔會淋哂！而且仲有脆口既感覺，豬扒味道唔會有羶味，而且滑蛋都做得好好，食落整個感覺都好舒服👍🏻配菜仲有醃製既蕃茄同味噌湯，蕃茄好有驚喜，好鮮甜開胃👍🏻餐廳坐得舒適，而且服務員勁友善，讚呢👍🏻