Lockeroom Dining (譽發廣場) (已結業)

一間餐廳食物質素故知然重要，其實服務態度都好重要，呢間餐廳嘅經理服務水平係我見過咁多餐廳裏面最好嘅一間。服務態度包括佢介紹嘅菜式係咪真係真心推介同埋會唔會考慮客人嘅需要。語氣態度都好重要。呢間餐廳直情係一百分。黑松露蘑菇湯經理推介，超級好飲，蘑菇有咬口，食落口好豐富好滿足。唔單只係滿足前菜嘅需要，就話其實當自己好肚餓嗰陣，又唔可以食太多野，但係又好想搵啲嘢食咗先，呢度就係好滿足到我對前菜嘅需要。白松露忌廉炒野菌雖然同前菜差唔多，但係另一種口味，食落口因為口感豐富，但係有啲too rich 嘅忌廉，大家要衡量下鍾唔鍾意食先好叫。鹹蛋黃小食拼盤平時嘅小食拼盤已經好好食，加上鹹蛋黃煮簡直係邪惡嘅化身。如果你一邊同人講波一邊食住呢啲咁好食嘅小食，果一晚你一定好開心。除咗咬口豐富而且好好食。炭烤美國1855牛肋排蜜糖燒肉汁平時啲牛肋排壓力少啲都食唔到，但係住得好林好易入口，醬汁配得好好，而且份量豐富，有三大塊總共九舊骨，簡直係物超所值。Tiramisu經理誠意推介，當然要試吓啦，呢一間餐廳嘅Tiramisu我覺得係咁嘅食過最好食嘅一間，誠意推薦大家試一試包你唔會失望。