炑八韓烤親子餐廳

營業中

休息中

入到餐廳，好有韓國feel。每張枱都好闊落，私隱度高，大人細路都坐得舒服。最緊要有個俾小朋友放電嘅playroom,有波波池，玩具煮飯仔，應有盡有，媽媽order食物，爸爸帶小朋友放電，食物到左先過返黎開餐，夠曬善用時間，絕無冷場。淨係前菜款式都夠曬豐富，各款泡菜，醬料生菜，爐邊芝士粟米同蛋都任加。蔥蒜牛五花，釀得夠入味，燒完都好夠肉汁。韓牛前胸肉肥瘦均勻燒出黎包住生菜食到停唔到，肉質夠曬稔。絕對值得一試係呢兩件肥美嘅鰻魚，肉質鮮嫩，先燒魚皮，再兩邊塗上醬油反轉魚肉個面燒，燒至皮脆就可以上碟。皮爽脆，肉厚肥美，果然係正。整體各食物都唔錯，時間亦過得好快，各食物甚至兒童餐，飲料都絕對唔遜色。