影片
更多
2018-10-18
121 瀏覽
今日去尖沙咀k11附近，打算食餐好嘅，㕑師發辦Omakase，都算近，係棉登徑嘅上岸料理，門面都幾大，但入到去，其實係長形，只有5,6張枱，佈置好家庭式，但感覺都幾舒服，好有日本和式feel。先泥個豚肉野菜沙律，賣相算係精美，胡麻醬微酸清新，用嚟開胃，的確唔錯！刺身有4款，都係我未食過嘅左囗魚薄切，師傅嘅刀工認真犀利，每一片都薄到透明一様，捲住伴碟嘅蔥同蘿蔔蓉來食，更可以突出魚嘅鮮味。連子鯛刺身，好新鮮，肉質結實，非常有咬口。日本紅衫魚，阿媽間唔中煎嘅紅衫魚就食得多，日本紅衫魚就未食過，店員話喺日本特別関西地區，紅衫魚係種高級魚，叫我要認真試下，食落覺得肉質好柔軟，的確唔錯。石垣貝刺身，肉質新鮮，味道鮮甜。壽司方面全部都係火炙，焦香嘅火燒味令人更加想先食為快，刺身都係時令嘅:深海池魚肉質鮮美，好有囗感金目鯛係第一次食，魚肉棉滑鮮甜甜蝦口感味道比較實，比外麵食嘅有口感。三文魚柚子同帶子都冇令人失望，都係超鮮甜。燒物有鷄腎同鷄軟骨，食落去肉汁豐盈，非常有咬口，加d檸汁仲惹味，之後再食埋燒日本青椒仔，乜嘢油膩感都清曬！魷魚一夜乾，聴店員講，魷魚都係經新鮮調味醃製，吊乾一晚後再來燒嘅，所以特別
先泥個豚肉野菜沙律，賣相算係精美，胡麻醬微酸清新，用嚟開胃，的確唔錯！
刺身有4款，都係我未食過嘅
左囗魚薄切，師傅嘅刀工認真犀利，每一片都薄到透明一様，捲住伴碟嘅蔥同蘿蔔蓉來食，更可以突出魚嘅鮮味。
連子鯛刺身，好新鮮，肉質結實，非常有咬口。
日本紅衫魚，阿媽間唔中煎嘅紅衫魚就食得多，日本紅衫魚就未食過，店員話喺日本特別関西地區，紅衫魚係種高級魚，叫我要認真試下，食落覺得肉質好柔軟，的確唔錯。
石垣貝刺身，肉質新鮮，味道鮮甜。
壽司方面全部都係火炙，焦香嘅火燒味令人更加想先食為快，刺身都係時令嘅:
深海池魚肉質鮮美，好有囗感
金目鯛係第一次食，魚肉棉滑鮮甜
甜蝦口感味道比較實，比外麵食嘅有口感。
三文魚柚子同帶子都冇令人失望，都係超鮮甜。
燒物有鷄腎同鷄軟骨，食落去肉汁豐盈，非常有咬口，加d檸汁仲惹味，之後再食埋燒日本青椒仔，乜嘢油膩感都清曬！
魷魚一夜乾，聴店員講，魷魚都係經新鮮調味醃製，吊乾一晚後再來燒嘅，所以特別入味，食時加d青檸同七味粉，更能吊出鮮味。
松葉蟹腳係我嘅摯愛，用嚟整天婦羅，炸皮薄身，外脆內鮮，香口非常。
熱稻庭烏冬，味道一般，冇乜驚喜。
甜品有柚子同番薯雪芭，柚子味酸酸甜甜，番薯有紫薯香味，都做得唔錯。
美味嘅一餐食完喇，但我好似唔係好夠飽，食物嘅分量稍為細咗啲，當然 唔敢出聲啦，因為唔係我埋單，盛惠1千6百幾，食得好啲，自然貴啲啦。
張貼
