第一郡

營業中

休息中

6點半去到樓下，等𨋢已經好多人，但原來全部都係去第一郡。平日夜晚都多人到要等30分鐘左右，嚇親。因為呢間原址係深水埗，我以前都成日食，所以去到叫返之前必點食物：蟹膏蕃茄湯檬 $65-今次啲蕃茄好酸，湯底偏酸，但豬紅同蟹膏都保持一貫水準，好食牛油果沙冰 $35每枱必有既飲品之一，我地都好鐘意飲，牛油果好濃郁，飲完都會有少少飽肚感椰皇 $28原個椰子送上，清甜解渴越式軟包 $47包皮好鬆脆，內裏軟熟。配料看似普通，但配搭得宜，醃蘿蔔絲、青瓜同埋札肉都好足料