牛大人台灣火鍋吃到飽 (加拿芬廣場)

營業中

休息中

牛大人都食過好多次了，食物質素仲保持到高水準，今次一於試最貴嘅日本黑毛和牛😙湯底揀咗期間限定嘅三椒酸菜鮮魚鍋同牛大人秘方麻辣鍋，酸菜魚鍋微酸清香幾特別，麻辣鍋加咗中藥熬製，湯頭有淡淡嘅中藥材味，層次豐富日本黑毛和牛A4+肉質細膩，入口即化😍澳洲M9和牛牛丸彈牙多汁，肉香濃郁，每人得兩粒真係太少了🥺贈送嘅海鮮拼盤都好豐富，有鮑魚、蟶子、帶子同生蠔最貴嘅套餐仲可以任食多款唔同煮法嘅鮑魚，包括古法醉鮑魚、炭燒鹽蔥鮑魚同柚子燒汁鮑魚，鮑魚爽口彈牙好新鮮牛大人另一個特色就係台灣地道小食，例如鹽酥雞、甜不辣、小香腸、滷肉飯，自助區仲有好多蔬菜、丸類同粉麵，部分配料仲係台灣直送👍🏻