鍋處

營業中

休息中

天氣開始轉涼，自然想打邊爐。見佢每個套餐加$20就有任食，毫不猶豫就揀咗任食了。我哋揀嘅係霜降組合，啲牛肉一上見到啲雪花，就知品質一定有返咁上下。壽喜燒湯底燒牛肉一流，職員仲會留返一壺湯底俾你慢慢加。另一個我哋揀咗塩趜洗野菜湯，正好中和較重味嘅壽喜燒，各有千秋。火鍋配料選擇唔算多，但質素都唔錯。反而甜品有驚喜，細細粒Brownie唔係死甜，朱古力味好香，值得一食。出面仲有Häagen-Dazs 同香港本土品牌雪糕任食，試咗港式奶茶味，有茶香而唔會太甜。飲品方面，最推薦佢自家製兩款冷泡茶，茶香極濃，又可以消滯，繼續戰鬥落去。整體而言，雖然係任食，但質素如同單點火鍋咁高質，CP值高！