和牛蕃 (已結業)

月頭去咗「和牛蕃」食和牛燒肉放題，好高質又好抵食！ 和牛蕃由東京人氣燒肉店「蕃 YORONIKU」創辦人兼東京名廚桑原秀幸主理，以往做和牛omakase，最近推出左任食日本頂級A5和牛「日山和牛」90分鐘燒肉放題($488)除咗任食A5日山和牛，味噌湯、泡菜、田園沙律、小食、蔬菜拼盤、肉類拼盤、日本米飯、冷素麵都可以仼點！ 每人仲送和牛迷你漢堡一個及時令海鮮拼盤，非常豐富！ 日本A5和牛雖然任點，但冇將貨就價，質素好高！每日都會精選兩個部份，兩款都油脂分布平均，紋理漂亮，肉質嫩滑，仲入口即溶，正！和牛漢堡有得DIY，食之前將漢堡皮烘一烘，食落更脆口。和牛上枱時已經五成熟，所以淨係煮返熱再夾返包一齊食就得。和牛肉味濃郩，而且非常厚身，啖啖肉好滿足💕海鮮方面，每人有一隻扇貝、一隻青口同一塊鯖魚，扇貝同青口鮮味十足。肉類拼盤有五花腩豚肉及雞肉，調味都唔錯，不過我主攻牛，所以拼盤都食唔晒。蔬菜拼盤有洋蔥、南瓜、茄子、粟米仔。小食拼盤有芝麻豆腐、辣味螺肉、薯仔沙律、中華沙律、枝豆，全部都好啱我口味，螺肉、薯仔沙律同中華沙律我encore咗兩輪呢！食到最後，餐廳仲送上日式蕨餅紅豆雪糕甜品，紅豆比較