一鍋豐 (已結業)

前日就係中秋節，為咗慶祝中秋節，我地一家人去咗一鍋豐到食晚餐，餐廳喺旺角嘅中心地帶，好方便呀餐廳有3個套餐可以揀，168嘅任食，218嘅鮑魚海鮮餐同埋268嘅象拨旁海鮮餐，全部都包肉、丸、菜任食同嘢飲任飲，都幾抵！我地4個人因為第一次嚟，就叫咗中價位嘅飽魚海鮮餐嚟試試先😛湯底都有好多選擇，因為屋企人唔食得辣，我地揀咗鮮茄蜆湯，個渴好清甜，鮮茄味濃郁，正！啲海鮮全部都好新鮮，乾淨冇沙，爽滑彈牙，值得一試！其他配料我地都嗌咗幾多，特別推介鮮滑牛肉，新鮮有肉味，記住唔好淥咁耐，如果唔係就唔滑㗎啦🙈另外，我地都一致認為豬頸肉、肥牛、墨魚滑都可以瘋狂encore，又新鮮又冇雪味，淥啱時間就超好食！食到最尾梗係要食甜品啦，呢度有好好玩嘅軟雪糕，可以自己唧完再加配料，仲有雪米糍、雪條、雪糕杯可以食，都係任食㗎！