蝦蝦燒

營業中

休息中

任飲任食除咗打邊爐、韓式燒烤之外，流水蝦亦都係不二之選，之前已經食過佐敦分店，今日經過荃灣亦都發現咗佢嘅蹤影，等我嚟試一試呢一間嘅質素啦！同佐敦嘅營運模式一樣，自己可以喺自助餐枱夾嘢食，重頭戲嘅流水蝦，亦都係由自己從魚缸夾起，可以話係一手一腳包辦，自己燒嘅特別好味特別鮮甜。大頭蝦嘅身軀非常橙紅，咬落鮮甜無比，蝦頭更加係隻隻爆曬膏🦐🦐另外亦都有生蠔、整條魚、扇貝等等嘅海鮮，記住加返少少嘅調味料就已經非常滋味！最鍾意食完一輪海鮮之後，就燒一燒窩夫，出邊亦都有朱古力醬俾你裝飾，再加埋一球雪糕，真係完美嘅甜品。呢一個體驗真係非常之特別，推薦大家一家大細嚟試一試啊！