水木日本料理 (已結業)

最近放工同朋友去左【水木日本料理】食dinner，環境非常明亮整潔。本身唔算好肚餓，所以只係叫左少少野食。漬物拼盤 - 蒜頭、牛蒡漬、紅橋喬頭漬，另外加點日本蕃茄：漬物拼盤酸酸甜甜，非常開胃，漬物非常爽脆。日本蕃茄一D都唔酸，非常清甜。時令精選刺身拼盤- 馬糞海膽、拖羅魚腩、油甘魚、深海池魚、平貝、北寄貝、松川鰈、真鯛、黃鯛、春子鯛：全部刺身都好新鮮，非常鮮甜。而且食材combo分配得唔錯，白肉、紅肉、連海膽、貝類都有，真係一次過滿足所有願望。汁煮鮑魚：鮑魚煮得非常軟霖，好入味、而且醬汁唔會太鹹，唔會cover左鮑魚既鮮味。