影片
更多
2020-06-12
638 瀏覽
平時好少入屯門，今日咁岩要同同事去到屯門碼頭呢邊做野，聽同事介結話呢到開左間冰室唔錯，價錢又ok，唔熟路既我一放飯就即刻狗衝左黎呢間「金莎冰室」。置地中央廣場入面食肆唔多，所以好易就搵到呢到。午市都好多人，排左一陣先有。入面裝修唔錯，好有冰室feel，特別係佢張枱布同餐具，令我諗起啲傳統冰室，唔錯！望下menu，都好多選擇，仲有冰室特飲紅豆冰、黑牛金牛，呢啲唔係到到有得飲。最後我叫左個咖喱農夫包加紅豆冰。等野食既時候，有得睇電影，唔會等得好悶，呢個我覺得係抵讚既。農夫包黎到，個包好脆，係新鮮出爐。啲咖喱夠杰身，仲有加埋芝士，唔會因為太濕而整到個農夫包淋晒或者漏晒出黎。雞肉好足，幾抵食，食到好飽。本身叫左紅豆冰，但可能因為太好賣既關係已經無晒，咁我就轉左叫杯凍菜蜜。野飲用個靚玻璃杯裝，唔係求其用啲茶記膠杯仔，一黎美觀，二黎堅大杯，正呀！最後埋單係98蚊，好抵食，環境又靚，下次黎再試下佢個鐵板餐同黑牛先！
置地中央廣場入面食肆唔多，所以好易就搵到呢到。
午市都好多人，排左一陣先有。入面裝修唔錯，好有冰室feel，特別係佢張枱布同餐具，令我諗起啲傳統冰室，唔錯！
望下menu，都好多選擇，仲有冰室特飲紅豆冰、黑牛金牛，呢啲唔係到到有得飲。最後我叫左個咖喱農夫包加紅豆冰。
等野食既時候，有得睇電影，唔會等得好悶，呢個我覺得係抵讚既。
農夫包黎到，個包好脆，係新鮮出爐。啲咖喱夠杰身，仲有加埋芝士，唔會因為太濕而整到個農夫包淋晒或者漏晒出黎。雞肉好足，幾抵食，食到好飽。
本身叫左紅豆冰，但可能因為太好賣既關係已經無晒，咁我就轉左叫杯凍菜蜜。野飲用個靚玻璃杯裝，唔係求其用啲茶記膠杯仔，一黎美觀，二黎堅大杯，正呀！
最後埋單係98蚊，好抵食，環境又靚，下次黎再試下佢個鐵板餐同黑牛先！
張貼
