醉忘魚屋 (已結業)

位於銅鑼灣嘅居酒屋，創辦人致力推廣優質海產，所以係呢度食到嘅海鮮質素一定有保證。之前聽朋友講話刺身高質之外，鍋物都唔輸蝕。今次就嚟試吓佢嘅《冬之鍋物》套餐。呢個餐真心豐富同抵食，有極上七點刺身盛、時令海鮮八點盛合，仲有其他火鍋配料。刺身確係名不虛傳，極上七點刺身盛全部都鮮味十足，當中最喜歡赤蝦、帶子 油甘魚。時令海鮮八點盛合真係好足料，龍蝦/鮑魚/扇貝/海蝦/魷魚/魚片/蟶子，淨係呢個到已經值回票價。三款肉類包括西班牙豚肉、安格斯肉眼、美國牛側腹，都係牛肉更啱我口味😆墨魚滑同蝦滑都係自家製，好鮮味好彈牙。仲有野菜盛盒、烏冬或飯、同埋甜品捧腹而回☺️