渝味曉宇重慶老火鍋 (太子集團中心) (已結業)

個friend約我食飯，飯局主題好誇張：「重慶火鍋50強」「舌尖上的中國2」獨家推薦「正宗麻辣鍋」😝😝。入到去眼前一亮，開揚維港景緻+藍天白雲，裝潢光鮮明亮，火鍋細心位如圍裙、各類火鍋用具、擺放隨身物品嘅籃都做得一絲不苟。鮮黃喉，係豬/牛心室輸出個條大動脈血管，高蛋白質，呢個唔知係牛定豬，但肯定新鮮處理，因為咁先會又脆又爽口。OMG! 個湯底個樣幾似樣喎！一邊又麻又辣，一邊係成棵芫茜同糖心皮蛋，清新下火，岩哂friend底圍爐打邊邊！曉宇苕粉，即係紅薯粉。老老實實，粉嘅份量唔多，但可以講係我食過最好味嘅薯粉，夠哂煙韌彈牙又滑一滑。皇帝菜新鮮無渣有菜汁，脆鯇魚腩骨少肉厚，爽脆嫩滑，都幾鮮甜。手打蝦滑彈牙有蝦味，貴花蚌只係灼一灼，入口鮮味爽口！仲有安格斯肥牛同紐西蘭鴨血，鴨血吸左湯底，惹味而且入口幾爽滑。已加入本人必定回頭火鍋list。