戀 (太子集團中心) (已結業)

早幾日約左朋友係尖沙咀食飯，朋友話帶我去間隱世日本餐廳食，估唔到平時都好多時候會黎尖沙咀，但都無發現過呢度! 😱呢度裝修係日式居酒屋風格，仲有好靚既日式油畫裝飾，當止住旅行癮先啦~~1️⃣🥩安格斯牛小排定食（$225）呢個定食套餐好豐富，除左有牛小排同白飯仲有刺身三點、餐前小食可揀和風沙律或麵豉湯，仲有飲品同甜品！師傅先將牛小排同洋蔥簡單用鹽同黑椒調味同烹煮, 跟住自己可以用爐頭加熱至鐘意既熟度。2️⃣🍢串燒五式拼盤定食（$218）而串燒拼盤既定食就係將白飯轉左做日式燒飯團，其餘既餐前小食、飲品同甜品都同樣有架~五款串燒分別係: 鹽燒雞肉、鹽麴五花腩、厚切安格斯牛、蘆荀豚肉卷同汁燒茄子。😝五款串燒都好好味，調味唔會太鹹，又唔會燒得太乾，朋友大讚鹽麴五花腩👍🏻另外日式燒飯團都好味，帶有醬汁既飯焦脆可口，而飯團係本身都混左味素，好開胃。3️⃣🍟牛肉薯餅（$58）炸薯餅質素同樣出色👍🏻👍🏻外皮炸得好脆！薯餅內餡夠軟滑，牛肉碎份量都唔少😆4️⃣🍹冷泡荔枝紅茶（跟餐）估唔到跟餐既野飲都可以打卡🤭🤭鐘意佢既荔枝紅茶唔會太甜，茶味濃郁。4️⃣🍵蜂蜜冰糖菊花（跟餐）菊花配蜂蜜同冰糖夠晒滋潤，味道清甜，用黎消濟岩岩好～4️⃣🍡