勝八居酒屋 (已結業)

今日又到銅鑼灣做嘢，食飯時間經過登龍街這座永光中心， 就入去看看大厦水牌有什麼餐廳可以選擇， 搵到這間日本餐廳- 勝八居酒屋,午餐就試試。這裏梳化位燈光比較暗，但勝在座位寬闊， 餐牌上set lunch都有好多款可供選擇， 想了一陣， 就決定點了這裏的招牌-勝八刺身定食和勝八便當。勝八刺身定食，顧名思義以刺身為主打，再配珍珠米飯。 刺身切得好靚, 分別有三文魚、海膽、 油甘魚、拖羅、 帶子、飛魚子和鯛魚， 差不多每款都有兩件， 加上特別肥美，口感爽彈鮮甜， 當中拖羅味道更是油脂甘香， 食完 味蕾滿足, 香氣徘徊在口腔中久久不散，好美味。至於勝八便當也相當滋味，尤其是那碗鵝肝飯, 色香味俱全,鵝肝入口即溶, 表層又煎得份外香脆，令人食後回甘。至於便當中的刺身又異常鮮味，果真新鮮材料，尤其是那碟蟹粉豆腐， 未食之前真不知是什麼來的,只品嚐了一口，已覺味道好正， 蟹膏和蟹肉混合，好香濃的蟹膏味，口感又爽，非常特別又好食。