影片
更多
2022-07-13
3180 瀏覽
以前有一班中學同學，隔一年半載就會約一約出嚟聚一聚，搞個大棚人嘅飯局，自新冠後，都未聚過，只晌啲群組發吓信息。最近，又有個別舊同學話好耐無見，想約出嚟食餐飯，所以，造就今餐嚟到銅鑼灣「Memoir」3人嘅小飯局。 登龍街嘅「永光中心」已成為知名嘅食廈，以往都曾經嚟過其他餐廳食飯，今次晌17樓嘅「Memoir」，同樣一出電梯就喺餐廳，佔地全層，裝修型格摩登，一室以灰黑為主調，座位編排又唔算好逼，加上今日喺假日嘅中午，客人唔及返工日咁多，感覺更舒適寫意。 再入啲仲有個區域，原來可以間開成兩個區域，方便包半場或全場，咁嘅設計都幾好，有興趣包場嘅朋友可以向店員問問價。 而整體雖然裝修簡約，但不少地方都加咗啲乾花做擺設，點綴吓，感覺會好唔一樣。 午市時段主要都喺提供午餐，包前菜或餐湯、飲品，定價都喺$78-$198，最好喺有好多額外加配嘅小食，以及甜品，咁就可以就番自己喜好去揀，彈性更大。而店員嘅招呼好唔錯，上菜嘅速度啱啱好，又會收拾一下用餐完嘅餐具。 吉列牛肉薯餅 $38我哋見啲小食唔貴，大部分都喺幾十蚊一客，所以，嗌一客一齊「些牙」試試。真喺小小意外驚喜，一客有兩件，都幾大件吓，炸得一啲都油
登龍街嘅「永光中心」已成為知名嘅食廈，以往都曾經嚟過其他餐廳食飯，今次晌17樓嘅「Memoir」，同樣一出電梯就喺餐廳，佔地全層，裝修型格摩登，一室以灰黑為主調，座位編排又唔算好逼，加上今日喺假日嘅中午，客人唔及返工日咁多，感覺更舒適寫意。
再入啲仲有個區域，原來可以間開成兩個區域，方便包半場或全場，咁嘅設計都幾好，有興趣包場嘅朋友可以向店員問問價。
而整體雖然裝修簡約，但不少地方都加咗啲乾花做擺設，點綴吓，感覺會好唔一樣。
午市時段主要都喺提供午餐，包前菜或餐湯、飲品，定價都喺$78-$198，最好喺有好多額外加配嘅小食，以及甜品，咁就可以就番自己喜好去揀，彈性更大。而店員嘅招呼好唔錯，上菜嘅速度啱啱好，又會收拾一下用餐完嘅餐具。
吉列牛肉薯餅 $38我哋見啲小食唔貴，大部分都喺幾十蚊一客，所以，嗌一客一齊「些牙」試試。真喺小小意外驚喜，一客有兩件，都幾大件吓，炸得一啲都油膩，咬落咔嚓一聲脆到不得了，而裡面雖然牛肉唔多，但薯蓉打得綿滑，充滿薯香，沾上個蜜糖芥末汁，真有畫龍點睛之效，掂呀！
吉列牛肉薯餅
$38
71 瀏覽
0 讚好
0 留言
精選餐湯舊同學就揀餐湯，而是日餐湯喺蕃茄濃湯，色澤艷紅，無話暗暗啞啞。佢話個湯嘅蕃茄味好突然，而且，茄味酸香鮮活，感覺自然，唔似靠茄膏去提味嘅貨色，加上質感柔滑，稀杰度啱唔好，喺有誠意嘅出品。
雜菜沙律小弟就想食番多啲菜，所以，揀咗沙律，以沙律菜為基礎，加咗啲車厘茄同櫻桃蘿蔔，再淋上帶點點酸味嘅胡麻醬，效果幾好多，食落好清爽，加上啲食材夠新鮮，食完好醒胃。
菠菜汁煙三文魚扁意粉 $98主菜我哋就打算共享，咁大家都可以試勻師傅嘅手勢。先分享碟扁意粉，似喺大路嘢，但食得出啲細節位。就好似啲煙三文，部份跟意粉一齊煮，令到啲意粉有陣陣鹹香嘅三文魚味，部份就後加上面，既作裝飾，食落油香更突出；此外，意粉煮得極具咬口，真喺恰到好處，每炷麵都掛滿菠菜汁，好食。
菠菜汁煙三文魚扁意粉
$98
30 瀏覽
0 讚好
0 留言
燒鰻魚意大利飯 $108這道意日聯乘嘅意大利飯，亦有驚喜，首先原條蒲燒鰻魚放上面，已經頗有睇頭，鰻魚油潤甘香，非常好食；而意大利飯又喺煮得啱啱好，有煙韌感，卻唔會有種生米嘅感覺，煮得絕對有一手，最有心思喺飯內混有好多枝豆，令到飯粒嘅口感變得有變化。
燒鰻魚意大利飯
$108
24 瀏覽
0 讚好
0 留言
紅酒汁燴牛肋條配薯蓉 $108單睇外觀，幾道主菜中，以呢一道牛肋條份量最強，數一數有成6條，仲要伴有大量薯蓉，飽肚感十足。食落啲牛肋條真喺做得唔錯，既肉質鬆化，又濃郁有肉香，以紅酒汁去燴，當然又喺經典配搭；薯菜方面，啲薯蓉睇樣都見打得好滑，滿滿薯香，即喺無溝粉，沾啲紅酒汁食就更一流。
紅莓汁餐飲有好多果汁類嘅選擇，唔使次次都檸茶、檸水、咖啡之類，所以，其中一位就揀杯紅莓汁，雖然，唔講都知喺現成貨，但質素又唔錯，至少感覺唔似喺啲平價嘢。而老友最欣賞隻杯，裡面喺「反底」營造咗個「冰山」。
凍檸茶檸茶都寫？平常就唔會寫，但遇到有賣點嘅都會寫吓，就好似呢杯凍檸茶，喺唔見有檸檬嘅，因為會奉上一小壺仔鮮檸汁及糖漿，自行調校酸甜度，喺一份心思。
熱咖啡由於我哋加配咗甜品，所以，小弟就少少慣性揀杯即磨咖啡嚟襯一襯，因為喺即磨貨色，唔差得去邊，味道芳香醇厚。
伯爵茶意式奶凍 +$28兩款甜品都啱心水，不過，就喜歡奶凍多少少。而個奶凍比預期大杯，仲諗住喺時興嘅「樽仔」，睇落好似平平無奇，入口就喺有種禾稈冚珍珠嘅感覺，質感滑溜細緻，伯爵茶味非常突出，卻不失奶味。
伯爵茶意式奶凍
$28
23 瀏覽
0 讚好
0 留言
老友就揀法式蛋糕，而是日喺咖啡芝士餅，做成一層層，再加少少裝飾，賣相唔錯喎。佢就話面層嘅咖啡慕絲做得好柔滑，跟住下一層嘅芝士餅亦好濃郁，喺個餅底麻麻哋啫。
不得不講吓服務，雖然，只好似一般西餐廳，但服務拍得住啲高級餐廳，好似上菜咁，每一輪菜式都喺同步，唔會上完一個主菜，等好耐先上另一個；用餐完，侍應亦會主動收拾，當然，添水呢啲指定動物一樣自動波，而且，佢哋都好好禮貌，予人感覺殷勤。
張貼
