新南苑私房菜火鍋鷄煲 (華僑商業中心) (已搬遷) 新店位置

經過左兩年冇黎嘅探訪，今日再次黎到旺角呢間新南苑，之前食已經好深得我歡心，今次黎食唔知有冇 keep 到個水準呢，今次黎到食呢個半放題套餐，$268 一位，真心抵到爛，點解會抵，我地即刻睇睇有咩，首先重頭炮係佢地嘅雞煲，唔係普通嘅雞煲，而係麻辣版嘅雞煲，有得揀唔同嘅辣度，都咪話唔整，我地揀小辣，麻而不辣，真過癮，雞煲係任食架！！食完雞煲仲可以自選湯底打邊爐，我地就揀左番茄湯龍蝦湯，另外呢個餐仲有送海鮮，有鮑魚，有龍蝦，有魚，有大蚌，帶子，仲有靚肥牛送，咁都唔飽仲有火鍋料任叫，真係超抵，最後仲兩個牛奶布甸送，正！😋😋