牛扒先生 (東港城) (已結業)

最鍾意食mr steak既buffet，原來東港城都有分店！雖然唔係海鮮buffet，但都有semibuffet，普通main course加60蚊就可以升級埋自助沙律吧，對於食量大既我絕對係不二之選！晚餐既main course menu非常豐富，有成十幾個main course，而外邊既沙律吧都好多選擇👍🏻朋友揀咗安格斯肉眼，我揀咗龍蝦生蠔套餐配西冷扒主菜味道之前先去飲下餐湯食下沙律，今日嘅係蘑菇忌廉湯，餐湯嘅蘑菇非常之多打用咗落去煮湯每啖都係粒粒嘅蘑菇口感非常足料。沙律菜都係一般嘅菜，正餐前食少少菜比較健康。除咗沙律呢度特別在於有胡麻醬凍豆腐，凍豆腐係我必食之選，高蛋白低卡有益。我嘅龍蝦生蠔套餐有一份海鮮拼盤，有生蠔、青口、蝦同埋蜆，每樣海鮮都鮮味十足，生蠔更加係肥美飽滿蠔味十足👍🏻主菜嘅龍蝦同牛扒都唔輸蝕，牛扒我要左五成熟，餐廳對肉嘅熟成度處理得好好，牛肉粉嫩軟身，牛味唔錯。而芝士焗龍蝦都算係肉質飽滿，成條肉吉出嚟嘅感覺非常滿足，可以大啖大啖放入口，龍蝦肉質夠爽而且夠甜。