影片
更多
2020-06-11
838 瀏覽
又新街附近其實真係好多好嘢食，咪類型的嘢都有，連手卷壽司飯呢類的日式食品都有。 入到黎元朗真係唔怕肚餓，就怕有無咁大個胃食得哂咋😝望住櫻咁豐富的壽司餐牌，一板又一板的海膽真係流哂口水，但小妹都係長期糧尾，叫啲十幾廿蚊的算喇。無錯，而家呢個世代，十幾廿蚊都有手卷? 係呀，只係十幾蚊都食到手卷架😍叫左個蟹柳手卷同辣汁三文魚手卷外賣，睇返包裝先，2個手卷都獨立有紫菜，然後包裝膠包到啲料，無話飛哂出黎，包裝企理。👍蟹柳手卷入面有2條蟹柳，真係超抵食，條蟹柳係可以撕開一條條肉嗰隻，唔係成舊魚肉咁嗰種，十幾蚊淨係2做條高質蟹柳，條數已經喺返度，仲有蟹柳夠大條，基本上食到尾都仲有可以食到。另外係辣汁三文魚手卷，本人就好喜歡呢個，因為有時食得多普通三文魚，覺得齋齋地的話，食辣汁三文魚就正喇，肥辣汁調左味，無咁腥之餘又再嘢味啲。呢個手卷的辣汁調得剛好，辣味無拎走魚的鮮味，當中亦食到甜的味道，而魚肉亦都保留到相當彈牙的口感。 同魚肉的份量相當多，可以食到尾都仲有，無話堆哂喺頭嗰度，食哂啲肉就食白飯咁。食呢種切將魚肉碎類的手卷要好小心，普通的女仔話者男仔，我諗個口都未必大到可以一啖食哂手卷的上半部，咁變左一
望住櫻咁豐富的壽司餐牌，一板又一板的海膽真係流哂口水，但小妹都係長期糧尾，叫啲十幾廿蚊的算喇。無錯，而家呢個世代，十幾廿蚊都有手卷? 係呀，只係十幾蚊都食到手卷架😍
叫左個蟹柳手卷同辣汁三文魚手卷外賣，睇返包裝先，2個手卷都獨立有紫菜，然後包裝膠包到啲料，無話飛哂出黎，包裝企理。👍
蟹柳手卷入面有2條蟹柳，真係超抵食，條蟹柳係可以撕開一條條肉嗰隻，唔係成舊魚肉咁嗰種，十幾蚊淨係2做條高質蟹柳，條數已經喺返度，仲有蟹柳夠大條，基本上食到尾都仲有可以食到。
另外係辣汁三文魚手卷，本人就好喜歡呢個，因為有時食得多普通三文魚，覺得齋齋地的話，食辣汁三文魚就正喇，肥辣汁調左味，無咁腥之餘又再嘢味啲。
呢個手卷的辣汁調得剛好，辣味無拎走魚的鮮味，當中亦食到甜的味道，而魚肉亦都保留到相當彈牙的口感。 同魚肉的份量相當多，可以食到尾都仲有，無話堆哂喺頭嗰度，食哂啲肉就食白飯咁。
食呢種切將魚肉碎類的手卷要好小心，普通的女仔話者男仔，我諗個口都未必大到可以一啖食哂手卷的上半部，咁變左一啖咬落去，啲肉就喺另一邊咇出黎🤔 或者唔覺意跌左落地😭 ，所以餐廳可以考慮，將肉放平均少少，令每啖的飯同肉口感都平衡啲。
蟹柳手卷及辣汁三文魚手卷
31 瀏覽
0 讚好
0 留言
張貼
