孖寶去骨海南雞 (又新街)

營業中

休息中

元朗又新街出名多好野食，今日就黎到孖寶去骨海南雞度食晚飯，地方整潔乾淨同簡約，而且仲有套餐，價錢相當實惠👍🏻除左孖寶2人餐同4人餐之外，仲可以單點去骨海南雞飯、咖喱系列、肉燥飯同其他小食等等。今次我地兩個人就點左孖寶2人餐，一坐低就已經有兩碗靚湯，南瓜粟米雞腳湯好清甜，唔油膩，揀左半隻去骨海南雞，海南雞好嫩滑多肉，糖醋排骨甜甜地都好大碟😊同蠔油生菜，飯可以揀白飯或者油飯，我就揀左油飯，加咗雞油同黃薑粉，真係好好味成碗飯比我食晒添😂