戀上台式料理

營業中

休息中

出咗去將軍澳做嘢，放工之後沿着海旁睇吓有咩餐廳想試，見到呢間台式餐廳，除咗有地道台菜，仲有燒肉拼盤、酸菜魚等唔同特色料理，就入咗去食餐好嘅慰勞吓自己！戀戀蚵仔煎香港好少見嘅蚵仔煎，味道好還原到台灣風味，蠔肉鮮甜多汁，煎餅又唔會煎得太淋，份量十足！松茸燉雞必試滋補系列！個湯好清甜，燉雞肉質細嫩，松茸口感爽滑。牛肉拼盤有齊四份唔同部位嘅牛肉，分別係牛舌、牛肩胛、牛小排同牛空腹，燒完充滿牛油香，而且肉質好嫩滑，性價比好高！雪崩珍珠朱古力呢款絕對係超邪惡之選，有齊晒奶蓋、珍珠、凍朱古力，一次過滿足晒我所有肥肥嘅願望！荔枝沙冰夏天飲佢就最消暑，荔枝沙冰好清爽，飲落唔會死甜！椰奶仙草芋圓食得台灣料理當然唔少得芋圓，芋圓煙靭有口感，仙草亦可以中和咗燒肉嘅油膩感。