影片
更多
2022-08-19
81 瀏覽
一直聽聞呢間台式湊湊火鍋好好食, 今日去開將軍澳終於有機會可以去嚐個究竟!餐廳裝潢用左新東方設計風格, 刷新我對火鍋店固有嘅用餐環境印象, 裹面座位設計有一定隱私度而且坐得舒適, 特別嘅裝潢風格要嚟打卡真係一流!入座後職員遞上貴妃烏龍茶同埋介紹可到自助吧取醬料及有前菜, 水果提供~今次我地揀左食妝鍋 - 紅顏花膠雞鍋$198單鍋, 職員送上鍋底時溫馨提示我地可先飲湯及需要不時攪拌以免癡底. 鍋底用左花膠，雞粒熬煮湯底至金黃色，再加入野米、鮑魚、花菇去提鮮，鍋底超足料, 花膠夠厚又大塊, 味道好鮮味濃郁, 每一口湯都充滿膠原蛋白, 十分養顏!荔枝蝦球 - 食台式野, 點可以吾叫小食~ 蝦球外表真係好似荔枝, 炸到脆卜卜, 咬開內裏嘅蝦膠就好似荔枝肉咁晶瑩剔透, 蝦膠亦都好爽口彈牙, 外脆內爽非常有口感！響鈴 - 吸晒湯底嘅味道, 可以嚐盡湯底嘅精華！丸類拼盤 - 啱晒我同朋友呢D咩都想試, 咁花心嘅人~ 拼盤內有精製牛筋丸, 精製蝦丸同埋豬骨濃湯貢丸, 每款丸都好彈牙, 尤其牛筋丸, 好重牛味, 好好食!帶子 - 處理得好乾淨, 好新鮮, 食落肉質鮮甜爽口!日本和牛肩胛肉眼 - 打邊
一直聽聞呢間台式湊湊火鍋好好食, 今日去開將軍澳終於有機會可以去嚐個究竟!
餐廳裝潢用左新東方設計風格, 刷新我對火鍋店固有嘅用餐環境印象, 裹面座位設計有一定隱私度而且坐得舒適, 特別嘅裝潢風格要嚟打卡真係一流!
入座後職員遞上貴妃烏龍茶同埋介紹可到自助吧取醬料及有前菜, 水果提供~
今次我地揀左食妝鍋 - 紅顏花膠雞鍋$198單鍋, 職員送上鍋底時溫馨提示我地可先飲湯及需要不時攪拌以免癡底. 鍋底用左花膠，雞粒熬煮湯底至金黃色，再加入野米、鮑魚、花菇去提鮮，鍋底超足料, 花膠夠厚又大塊, 味道好鮮味濃郁, 每一口湯都充滿膠原蛋白, 十分養顏!
荔枝蝦球 - 食台式野, 點可以吾叫小食~ 蝦球外表真係好似荔枝, 炸到脆卜卜, 咬開內裏嘅蝦膠就好似荔枝肉咁晶瑩剔透, 蝦膠亦都好爽口彈牙, 外脆內爽非常有口感！
響鈴 - 吸晒湯底嘅味道, 可以嚐盡湯底嘅精華！
丸類拼盤 - 啱晒我同朋友呢D咩都想試, 咁花心嘅人~ 拼盤內有精製牛筋丸, 精製蝦丸同埋豬骨濃湯貢丸, 每款丸都好彈牙, 尤其牛筋丸, 好重牛味, 好好食!
帶子 - 處理得好乾淨, 好新鮮, 食落肉質鮮甜爽口!
日本和牛肩胛肉眼 - 打邊爐必須要有肉, 牛肉脂肪散佈均勻, 肉質嫩滑, 口感緊緻滑順, 清爽不油膩, 不愧係日本和牛!
蔬菜我地就揀左- 萵筍, 大白菜, 筍尖, 全部都好新鮮, 蔬菜吸入花膠雞湯, 令味道更鮮甜!
飲品方面我地就揀左冬瓜檸檬同埋經典珍珠奶茶, 超大杯!!! 2杯飲品甜度都啱啱好, 珍珠奶茶茶底好香濃, 入口順滑; 冬瓜檸檬茶, 比例調配剛好, 飲落清涼消暑!
食食下野, 職員送上沙冰, 食到熱辣辣再飲一啖沙冰真係好爽! 臨食完野, 職員更送上梅子茶凍作一個HAPPY ENDING! 服務真係好好, 非常貼心~
另外, 店內依家用台灣夜市做主題, 更設有夜市遊戲區, 每日 18:00 開始, 折後價計惠顧每滿$500就可以玩一次「套圈圈」遊戲, 大獎係$1200現金券, 好吸引~
仲有做緊晚上 9 時半後入座就有個宵夜 8 折嘅優惠, 咁好食又咁好玩仲有優惠, 臨走時已經同朋友傾緊下次試咩鍋底, 一定要擇日再食~
張貼
