湊湊火鍋‧茶憩 (如心廣場二期)

營業中

休息中

今日同朋友黎呢間台式火鍋，湯底都幾多選擇，我地叫咗鴛鴦湯底酸菜白肉湯底＆台式麻辣湯底，2款湯底都幾特色，味道相當唔錯，麻辣香味勁香，好惹味，仲要無限加鴨血同豆腐，而白肉酸菜個味道好濃郁，好有特色。出面仲有滷肉飯＆台式炸物滷肉嘅味道都幾正，滷肉唔會太肥，香芋地瓜球，炸到好香脆，入面d芋泥唔算太甜，啱啱好。日本A5和牛三角胸小排牛肉勁靚嘅雪花紋，食落入口即溶，唔會太肥，完全冇肥膩嘅感覺，好香牛脂嘅味道，勁正。新鮮鱔片份量都幾多，片片都爽滑彈牙，非常新鮮。爽口牛黃喉放落麻辣湯底，吸收晒d麻辣香味，好惹味，食落勁爽口，唔錯。鮮活豆苗上枱時真係連埋根，所以真係好新鮮，又幾特別，店員即趁幫手剪豆苗，豆苗食落好嫩，好fresh。企鵝丸隻隻都勁得意，食落好彈牙，好重墨魚香味。大紅袍珍珠奶茶個茶底好濃，唔算太甜，珍珠好煙韌。鳳梨沙冰飲落酸酸甜甜，好開胃。紅豆豆乳布丁豆乳味好重，配埋大大粒嘅紅豆，非常夾。