木玥巷 (已結業)

元朗真係好多好嘢食，我同細佬都想食台灣嘢，咁就OpenRice望吓，比這間個名吸引住，於是就試吓，原來屯門都有分店，佢個位置喺朗屏站出面，出閘行1分鐘就到，我哋18:00去到冇咩人，跟住叫嘢食之後就坐滿晒🤭好彩早嚟，我叫咗個招牌紅燒牛肉麵，細佬就叫左煎元貝干貝醬炒飯，我哋仲叫咗個鹽酥炸春雞，黃金水果茶同埋招牌水果茶。先講招牌牛肉麵，湯底非常濃郁，有好香嘅蘿蔔味，牛展同牛筋都非常諗，而且好入味👍🏻紅蘿蔔同白蘿蔔都好甜好好味😋果然係招牌，好少食到每一樣餸都咁好食，細佬個炒飯呢，佢話好香口，而且粒帶子仲要超大粒☝🏻我食咗一粒，熟嘅程度啱啱好😮‍💨而且冇雪味👍🏻因為我好怕食到d海鮮有雪藏味。鹽酥炸春雞不得了，睇餐牌見到佢有燒春雞已經覺得好意外，上枱嘅時候仲要咁大隻🤭佢哋有兩個汁俾你點雞，一個應該係麻辣味，另一個係檸檬鳳梨醬（呢個我覺得好特別），不過我個人覺得唔點都好夠味👍🏻仲有兩杯嘢飲，兩杯都係百香果底，一杯就百香果加西柚，一杯百香果加菠蘿🍍兩杯都好好飲，唔太甜而且夠晒大杯，好少食到台灣嘢樣樣都咁高質，呢間推介🙌🏻而且仲係💛店，一定會再encore☝🏻