影片
更多
2018-08-22
1420 瀏覽
灣仔、銅鑼灣喺傳統嘅搵食旺區，所以，餐廳多到呢……。最近，就經朋友推介一家酒吧餐廳，位處兩個旺區之間，但又唔會離地鐵站好遠，卻環境靜局，而且，雖然喺酒吧，但唔喺嗰啲被人劈酒嘅場，感覺唔會好雜。故此，呢晚就初會Ember。雖位處告士打道，但由銅鑼灣港鐵站行過嚟10分鐘之內就到。內裡裝潢型格時尚，明顯喺走高級路線，所以，嚟嘅客人感覺都喺較斯文。而且，地方大，樓底高，故空間感十足。天花及牆身嘅波浪形曲板亦好搶眼，餐廳尾裝咗部大電視，不停播放音樂短片，而餐廳內嘅音響幾唔錯。不過我哋是夜主要嚟食飯，早段嘅時間音樂唔太嘈，氣氛亦好輕鬆，唔會嘈到傾唔到偈。留意到盡頭有個小舞台，據講每晚九點後有Live Band Show，好此道嘅朋友就啱晒。此外，每枱都有盞小枱燈，加上整體環境燈光柔和，富情調，嚟食晚飯喺好唔錯嘅選擇。其實，氣氛咁好，就算同朋友嚟飲嘢、傾吓偈都正吖。嚟到酒吧，感覺就會自自然然點杯嘢飲先，既然喺賣酒嘅地方，當然啤酒、雞尾酒、紅白餐酒、烈酒……等等一應俱全。而唔多嗜酒嘅我哋目標就放晌啲非酒精類飲品。Pop Punch $70友人呢一杯非酒類雞尾酒喺以奇異果、青瓜蓉、青檸汁及梳打水打成，一
雖位處告士打道，但由銅鑼灣港鐵站行過嚟10分鐘之內就到。內裡裝潢型格時尚，明顯喺走高級路線，所以，嚟嘅客人感覺都喺較斯文。而且，地方大，樓底高，故空間感十足。
天花及牆身嘅波浪形曲板亦好搶眼，餐廳尾裝咗部大電視，不停播放音樂短片，而餐廳內嘅音響幾唔錯。不過我哋是夜主要嚟食飯，早段嘅時間音樂唔太嘈，氣氛亦好輕鬆，唔會嘈到傾唔到偈。留意到盡頭有個小舞台，據講每晚九點後有Live Band Show，好此道嘅朋友就啱晒。
此外，每枱都有盞小枱燈，加上整體環境燈光柔和，富情調，嚟食晚飯喺好唔錯嘅選擇。其實，氣氛咁好，就算同朋友嚟飲嘢、傾吓偈都正吖。
嚟到酒吧，感覺就會自自然然點杯嘢飲先，既然喺賣酒嘅地方，當然啤酒、雞尾酒、紅白餐酒、烈酒……等等一應俱全。而唔多嗜酒嘅我哋目標就放晌啲非酒精類飲品。
Pop Punch $70友人呢一杯非酒類雞尾酒喺以奇異果、青瓜蓉、青檸汁及梳打水打成，一身青綠，插上青瓜做裝飾，睇到一杯都喺奇異果嘅籽，真材實料。而味道清新，奇異果跟青瓜嘅味道都頗平衡，帶微微青檸酸，晌夏天飲就更寧舍清爽。
Music Tower $70小弟呢杯嘅賣相就搶晒眼球，以鮮菠蘿條砌成井形，有型有格，而整杯嘢喺以芒果糖漿、菠蘿汁、檸檬汁及雪碧溝成，以菠蘿味為主線，芒果味為副，清甜冰涼。
Music Tower
$70
20 瀏覽
0 讚好
0 留言
凱撒沙津配黑毛豬火腿 $118單單凱撒沙津嘅話，賣$88，無理由唔加多少少配黑毛豬火腿架，的確，配上火腿喺唔同晒，而啲火腿刨得薄透，入口油潤甘香，雖然唔知幾多個月嘅熟成，但絕對喺高質素貨色。至於啲凱撒沙津，同樣好食，羅馬生菜脆到嗦嗦聲，醬汁撈得夠均勻。
凱撒沙津配黑毛豬火腿
$118
23 瀏覽
0 讚好
0 留言
上一道沙律用嚟作為前菜開開胃，呢一道墨西哥粟米脆片就明顯喺用嚟送吓飲品，邊食邊傾。烤熱嘅脆片，灑上牛肉碎及芝士，滿滿嘅一大碟，並伴有牛油果醬、酸忌廉、蕃茄蓉。面面嘅墨西哥青辣椒堅喺幾辣，不過，幾得意，辣勁點到即止，過一陣就散晒；
而金黃嘅脆片好香脆，黐住黐住啲牛肉碎同芝士，再一次過塗上牛油果醬、酸忌廉、蕃茄蓉，令味道紛陳富層次，牛油果醬搓得幼滑，酸忌廉吊出少少鹹味，蕃茄粒增加鮮活感，真喺好易一塊接一塊食唔停。
魷魚燒南瓜法邊豆粟米黃金意大利飯伴香煎北海遁帶子 $178主食我哋揀嚟意大利飯，近排非刻意咁遇到好幾款加入鹹蛋黃元素嘅菜式，例如「Sodam Chicken」嘅「黃金鹹蛋炸雞」、「沙嗲軒」嘅「黃金脆魚皮」、「Villa Villa」嘅「黃金炒薯條」，幾道都喺惹味好食嘅菜式，而今次呢一道加入鹹蛋黃做嘅意大利飯又會唔會帶嚟驚喜呢？由於燈光比較昏暗，未能完全反映到佢喺一片金黃，不過，3大粒北海道帶子十分有睇頭。
魷魚燒南瓜法邊豆粟米黃金意大利飯伴香煎北海遁帶子
$178
24 瀏覽
0 讚好
0 留言
用上北海道帶子，基本上都無乜會點輸，簡單香煎，已經食出質素，彈牙、清甜就已經好足夠。咪睇個飯好似好少，碟底深，加上其他菜式嘅份量都多，食埋個飯都有9乘飽。
焗蘋果卷伴冧酒提子雪糕 $68最後，以一道甜點作結，點咗個焗蘋果卷共享。睇個賣相，只賣$68，真喺抵喎，點解？蘋果卷以酥皮做殼，入口超酥脆，有牛油香，裡面嘅蘋果肉煮得軟腍清甜，有微微玉桂香；冧酒提子雪糕無問到喺咩品牌，但懷疑喺自家製，因為冧酒味比一般遇到嘅強，而雪糕內又有超多提子，非常好食。
焗蘋果卷伴冧酒提子雪糕
$68
30 瀏覽
0 讚好
0 留言
雖然Ember明顯喺一間酒吧，但食物絕對做得出色唔馬虎，用料無欺場，烹調手法有一手，服務亦都非常熨貼，而且，氣氛輕鬆，就算唔好酒，三五知己嚟食餐晚飯，都喺一件樂事。
張貼
