影片
更多
2020-05-19
73 瀏覽
呢間餐廳一直係我心愛餐廳之一，除左因為佢質素有保證，仲係佢記錄左我成長既經歷由初初出黎做野仲係薯仔既時候第一次黎食，覺得好好食但好貴，所以大時大節先會黎食😂到依家出左黎做野好幾年，物價又上漲，呢到既價錢無大幅上調，百零蚊食餐飯依家都唔係咩大事🤷🏻♀️心境轉變左，但呢到既食物質揀依然，所以出親旺角食飯，無特別想食咩，都係會黎番呢到🥰餐廳裝潢走時尚風，餐廳內光明寛敞坐得舒服，氣氛唔錯，非常岩三五知己傾計聚舊餐牌選擇唔少，除左固定食物種類，仲會有期間限定同埋唔同優惠，呢期個買一送一優惠真係超抵食！但因為我地目標明確，諗好晒食咩，所以散叫💡牛油果蕃茄蟹肉配墨西哥脆片一層疊一層，非常精緻既頭盤😍黑色既魚子，下面一層係蕃茄沙沙🍅睇落係魚子，但係咩魚既魚子就唔太清楚雖然量唔多，但係喺脆卜卜既口感之後會有佢咸香既味道蕃茄沙沙酸甜得黎有香草味，將成個頭盤既freshness提高下一層係我地鐘意食既牛油果醬🥑🥑🥑然後最底係蟹肉🦀香濃既牛油果味入口順滑，微微顆粒帶出層次加上蟹肉既鮮甜，配以沙律醬略為調味為頭盤帶黎濃厚既感覺👍🏻再用墨西哥脆片配黎食，好有引起食慾既作用雖然size唔大，但係配搭得宜既頭盤，令人
由初初出黎做野仲係薯仔既時候第一次黎食，覺得好好食但好貴，所以大時大節先會黎食😂
到依家出左黎做野好幾年，物價又上漲，呢到既價錢無大幅上調，百零蚊食餐飯依家都唔係咩大事🤷🏻♀️
心境轉變左，但呢到既食物質揀依然，所以出親旺角食飯，無特別想食咩，都係會黎番呢到🥰
餐廳裝潢走時尚風，餐廳內光明寛敞
坐得舒服，氣氛唔錯，非常岩三五知己傾計聚舊
餐牌選擇唔少，除左固定食物種類，仲會有期間限定同埋唔同優惠，呢期個買一送一優惠真係超抵食！
但因為我地目標明確，諗好晒食咩，所以散叫
💡牛油果蕃茄蟹肉配墨西哥脆片
一層疊一層，非常精緻既頭盤😍
黑色既魚子，下面一層係蕃茄沙沙🍅
睇落係魚子，但係咩魚既魚子就唔太清楚
雖然量唔多，但係喺脆卜卜既口感之後會有佢咸香既味道
蕃茄沙沙酸甜得黎有香草味，將成個頭盤既freshness提高
下一層係我地鐘意食既牛油果醬🥑🥑🥑
然後最底係蟹肉🦀
香濃既牛油果味入口順滑，微微顆粒帶出層次
加上蟹肉既鮮甜，配以沙律醬略為調味
為頭盤帶黎濃厚既感覺👍🏻
再用墨西哥脆片配黎食，好有引起食慾既作用
雖然size唔大，但係配搭得宜既頭盤，令人食過番尋味。次次都叫佢😝推薦
💡蜜糖芥末雞翼
小食既炸單骨雞翼，唯然單骨，但數量唔少
炸得夠香口，上枱熱辣辣🔥🔥🔥
單骨雞翼省卻左平時食雞翼既功夫
雞翼外層香酥且脆，加上蜜糖芥末醬，入口幾mild，有芥末味又唔會太嗆，非常惹味
忍唔住食完一隻接一隻🤤🤤🤤
最後再用雞翼抹乾淨d醬汁先停手🤣
係熱氣但又好惹味會食唔停口既小食
💡卡邦尼意粉
黎左咁多次都未試過呢到既卡邦尼意粉
所以主菜叫左黎試，意粉一上，份量都幾多，而且望落醬汁好多，直頭有d似湯麵😂
不過佢醬汁既色水都算濃，入口奶香味充斥口腔
而且濃稠度唔錯，唔會又淡又稀，非常夠味👍🏻
加上配料都好多，有洋蔥🧅、芝士🧀、蘑菇、煙肉粒🥓
最重要最重要就係配上溫泉蛋，所以整體食落非常豐富，無論味道定口感都有水準😍
值得一提係佢既意粉既口感都幾特別
可能係廚師既特製品，幼身得黎有咬口，比想像中更特別，食晒都幾飽肚
💡岩鹽焦糖Hot cake
至於我地既甜品，岩鹽焦糖hotcake
次次黎親都係必點既，真心推薦👍🏻👍🏻👍🏻👍🏻👍🏻
呢個甜品唔洗多講，係我地最期待既最後一道菜🥞
hotcake岩岩整好熱辣辣，放上面既牛油🧈喺我地影相既時候已經不停咁溶緊，好似催促我地快d開始食🤤🤤🤤我地影完相都急不及待咁開始切黎食
hotcake既厚度保證左佢既份量
唔止入口麵粉麥香同埋牛油香味夠
最重要既口感都冇令人失望，外脆內軟
出面焗至微脆，內面軟嫩而且微微moist，口感非常高分🎊
兩款糖漿各有千秋
岩鹽焦糖質感較密稠，焦糖濃香又帶有微微岩鹽既咸味，咸甜咸甜又非常夾，更令佢既濃厚度更上一層樓😍
楓糖漿既香味同hotcake係絕配，呢個組合無得輸
hotcake原本既香味加口感，加上兩種糖漿既配合，再加埋雲尼拿雪糕既冰凍口感，令原本已經飽飽既我地，唔洗一陣就清左成個hotcake
💡燕麥奶昔
身為燕麥愛好者，飲品我地叫左杯燕麥乳酪milkshake
呢杯milkshake有驚喜，口感濃厚、味道香甜得黎，有清新又唔會太酸既乳酪味
加上燕麥既口感同香味，成杯milkshake 令人滿足，都令我地比想像中飽得快😋😋😋
總括而言，Hesheeat既價錢其實唔算特別貴
今餐食左咁多野，先350蚊
飲品同頭盤都非常唔錯，加埋壓軸既甜品，增加左成餐既完成度
原本我地仲想試埋刨冰，但已經飽到食唔落，所以都算係喺旺角鬧市入面一個好食又唔貴既選擇。🥰👍🏻
張貼
