點一龍 (如心廣場一期)

營業中

休息中

今日約朋友來如心一期的點一龍，在如心地下都幾方便，入到去都空間感十足，不會覺得迫，茶有不少選擇，我叫咗普洱味濃口感幾滑身好飲。最後我們2人就叫了點心，小菜，炒飯同甜品，味道不錯而且份量都不少。 首先來的是點心 : 潮州粉果和杞子鮮蝦燒賣，熱呼呼啖啖料夠新鮮好味，粉果皮夠薄身軟熟，燒賣入面的蝦都不少，豬肉又不會太肥。之後其他食物都來到，小菜 : 欖角冰梅骨，酸甜味剛好，骨不會太大舊，幾易食同入味。炒飯 : XO醬煙肉脆脆炒飯，份量的確不少，脆脆原來是油炸條切薄，炒得都幾香口。 甜品每款都好吸引，但比西瓜糕吸引了，就叫了楊枝甘露和原汁原味西瓜糕，仲有梅粉好特別，西瓜糕的西瓜汁甜度剛好，口感有點似大菜糕。楊枝甘露入面好足料，芒果好甜好味。