和牛88 (已搬遷) 新店位置

高質和牛外賣就算冇得堂食都要對自己好啲，食好啲😊和牛88就可以滿足到我哋，就算外賣返屋企啲食物都仲好好味呀😍和牛88招牌燒和牛法包，$109勁推薦呢個燒和牛法包，原本擔心法包外賣拎走返到去會變到唔脆，和牛凍咗又會唔好食，點知完全唔會，法包仲係勁脆，入面一片片嘅和牛燒得好好味。日本產黑毛和牛火焰牛扒定食，$219大大塊牛塊燒得啱啱好，好嫩，仲配埋汁，雖然外賣睇唔到火焰嗰一刻，不過味道好食已足夠。而家仲送雪糕，好特別，係lipton yellow label tea，我都係第一次食，好重茶味，好正呀。