影片
更多
2022-01-01
32 瀏覽
喺香港比較少機會食到和牛，今次嚟到尖沙咀呢間主打JA鹿兒島和牛嘅餐廳試吓佢個special tasting menu ($888/person)。餐廳位置非常方便，喺正金馬倫道，入去嗰刻已經感受到居酒屋氣氛，黃木色嘅裝修，仲有好多日本poster同裝飾。⭐️前菜係和牛沙律，燒過嘅和牛片，牛脂味香濃，配埋爽脆嘅菜同胡麻醬，口感一流而且開胃。⭐️和牛紫蘇天婦羅嘅天婦羅醬炸得好薄好鬆脆，包住紫蘇葉同和牛一齊食外脆內軟，紫蘇葉仲減低左油膩感。⭐️和牛鵝肝三文治好厚切，厚厚既和牛肉，鵝肝配上烘脆左嘅麵包一齊食，啲油香爆曬出嚟，仲加埋幾塊金箔令到外型更加美觀。係燒肉之前，餐廳仲安排咗話梅蕃茄俾我哋食，清一清個味蕾，蕃茄醃得好入味，好開胃又解渴。⭐️跟住就到主菜和牛拼盤，有牛舌，西冷，肉眼，牛三角，牛嘅油脂都分部得好平均，燒完之後牛味好濃，肥瘦均勻，配埋燒汁同蒜片一齊食，正。店員仲幫你燒牛肉薄燒，大火之下幾秒就食得，夾埋蛋漿蔥花同蒜片，味道豐富口感一流。⭐️釜飯熱辣辣，裏面配有半熟嘅和牛片同櫻花蝦，櫻花蝦配搭得好好，令成個飯香左好多同增加左唔少口感，仲有啲飯焦，吸晒和牛嘅精華⭐️甜品係牛奶布甸同士多啤梨，牛奶布
⭐️前菜係和牛沙律，燒過嘅和牛片，牛脂味香濃，配埋爽脆嘅菜同胡麻醬，口感一流而且開胃。
⭐️和牛紫蘇天婦羅嘅天婦羅醬炸得好薄好鬆脆，包住紫蘇葉同和牛一齊食外脆內軟，紫蘇葉仲減低左油膩感。
⭐️和牛鵝肝三文治好厚切，厚厚既和牛肉，鵝肝配上烘脆左嘅麵包一齊食，啲油香爆曬出嚟，仲加埋幾塊金箔令到外型更加美觀。係燒肉之前，餐廳仲安排咗話梅蕃茄俾我哋食，清一清個味蕾，蕃茄醃得好入味，好開胃又解渴。
⭐️跟住就到主菜和牛拼盤，有牛舌，西冷，肉眼，牛三角，牛嘅油脂都分部得好平均，燒完之後牛味好濃，肥瘦均勻，配埋燒汁同蒜片一齊食，正。店員仲幫你燒牛肉薄燒，大火之下幾秒就食得，夾埋蛋漿蔥花同蒜片，味道豐富口感一流。
⭐️釜飯熱辣辣，裏面配有半熟嘅和牛片同櫻花蝦，櫻花蝦配搭得好好，令成個飯香左好多同增加左唔少口感，仲有啲飯焦，吸晒和牛嘅精華
⭐️甜品係牛奶布甸同士多啤梨，牛奶布甸微甜重奶香，食落滑溜，配埋清甜嘅士多啤梨解一解油膩感🍓好滿足。
總括嚟講整個用餐無論食物，裝修，服務都唔錯，係值得一再回味嘅小店
張貼
