尚八日式燒肉店 (已結業)

話說好耐冇食日式燒肉，之前係旺角食過尚八幾次，聽聞荃灣開左分店，岩晒今日荃灣飯聚！朋友話反正都係放題，任食A5和牛好似幾正咁，我地就揀左和牛plan嘟個QR Code就可以係自己電話睇menu同落單，好方便呢。頭一轉唔需要落單住...因為侍應會先送上一盤和牛同刺身!三文魚新鮮無雪味，帶子甜蝦鮮甜，海膽甘甜。和牛拼盤係不同種類既牛肉旁邊放上小名牌，方便大家分辨牛肉。睇色澤和花紋就知係靚牛肉，個人鍾意食牛冧肉和牛胸腹，脂肪分佈較平均，無咁油膩，牛肉味亦比較濃。除左狂食和牛之外，我地亦有叫牛舌，厚切牛舌最好味，夠爽口彈牙。仲有任食海鮮，帶子夠大粒，加埋牛油蒜汁，好好味，encore左好多次。燒蠔亦唔差，不過用鐵盤盛著去燒有點麻煩，傳熱度有點慢。任食和牛黎講，三百幾蚊算抵食，而且服務好，燒到中途店員見燒網燶會主動換網，抵讚！我朋友點名，話下次食燒肉要再黎呢間！