影片
更多
2022-10-13
2856 瀏覽
天氣開始涼涼地，打邊爐季節又黎喇。我呢個朋友就最鐘意打邊爐，今日佢話要帶我去食高質和牛放題。呢間餐廳都幾大，感覺乾淨企理。牆上有好多彩繪壁畫，好韓式feel，佢連櫈都係唔同顏色，好colourful。餐牌上有4個set，我哋叫左個M5和牛Set ($368)，另外餐廳做緊一週年感謝祭，加$20就升級做A4和牛Set ($468)，咁緊係升啦。呢度係用QR code落order，另外出面有丸、菇、菜同炸物等自取，飲品都係响出面攞。湯底：我哋揀左清酒味噌卜卜蜆湯，出面較少見。佢裡面有勁多蜆肉，有淡淡酒味，湯底好香酒味同帶甜。佢旁邊有個壺仔裝住清酒，每次加完湯就可以自己加，唔夠可以問職員攞。丸、菇、菜︰感覺都新鮮，唔會食到陣雪味。菇都ok，菜新鮮乾淨，有菜果種爽甜味。牛骨髓︰朋友話唔係度度都有得食架，呢度有就一定要食。佢話呢度都幾靚，口感粉粉地，比較滑，唔錯。飲品︰佢有自家製飲品，朋友話桂花烏龍好香桂花味，無糖，好飲。佢都有d韓國特色飲品，同樣係無糖。牛肉︰A4和牛來自日本鹿兒島，M5和牛就來自澳洲，而其餘就來自美國，全部係安格斯，無論來自邊度都係高質牛。A4和牛油脂分佈較豐富，M5和牛油脂
呢間餐廳都幾大，感覺乾淨企理。牆上有好多彩繪壁畫，好韓式feel，佢連櫈都係唔同顏色，好colourful。
餐牌上有4個set，我哋叫左個M5和牛Set ($368)，另外餐廳做緊一週年感謝祭，加$20就升級做A4和牛Set ($468)，咁緊係升啦。
呢度係用QR code落order，另外出面有丸、菇、菜同炸物等自取，飲品都係响出面攞。
湯底：我哋揀左清酒味噌卜卜蜆湯，出面較少見。佢裡面有勁多蜆肉，有淡淡酒味，湯底好香酒味同帶甜。佢旁邊有個壺仔裝住清酒，每次加完湯就可以自己加，唔夠可以問職員攞。丸、菇、菜︰感覺都新鮮，唔會食到陣雪味。菇都ok，菜新鮮乾淨，有菜果種爽甜味。
牛骨髓︰朋友話唔係度度都有得食架，呢度有就一定要食。佢話呢度都幾靚，口感粉粉地，比較滑，唔錯。
飲品︰佢有自家製飲品，朋友話桂花烏龍好香桂花味，無糖，好飲。佢都有d韓國特色飲品，同樣係無糖。
牛肉︰A4和牛來自日本鹿兒島，M5和牛就來自澳洲，而其餘就來自美國，全部係安格斯，無論來自邊度都係高質牛。A4和牛油脂分佈較豐富，M5和牛油脂分佈就比較均勻，而美國牛就比較瘦，我係牛魔王，全部都覺得好好食。
炸物︰有天婦羅炸蝦、鹽酥雞、炸蠔同埋炸魚皮，炸物味道正常，暖暖地。炸魚皮都幾大塊，完整，唔會太碎，就咁食都脆卜卜，打邊爐浸一浸食都脆喎。
海鮮︰廣島蠔size正常，日本帶子同埋越南虎蝦就比較大隻，有海鮮嘅鮮味。石斑魚片真係少見，第一次食，魚肉結實，淥完都唔散，又幾好食喎。
甜品︰每人一款，朋友就點左哈蜜瓜雪榚，佢話唔太甜，都好食。我就點左芝士蛋榚，口感比較厚實，味道唔太甜，不過不失。
張貼
