和牛燒肉一郎 (寶漢大廈) (已結業)

之前已經聽朋友講過話好好食所以約埋家姐一齊去食☺️環境好闊落 坐得好舒服 啱晒一班朋友黎聚會😄我地揀左Set C舟盛合 桶盛盒 極上花盛合包括有 和牛牛肋肉 和牛里脊肉 里脊肉 牛外橫隔膜 豚肋肉 牛舌 蝦 帶子 原條魷魚 蔬菜選擇極多😍 肉類同海鮮都好有質素極上花盛盒 將啲肉砌成花嘅形狀 超級靚🌸鰻魚白燒 燒到外脆內軟 好好食😌是日寶箱 用寶箱裝住和牛肉眼好有氣派 仲要加上加埋金箔好高貴 😛 油脂分布好平均 燒到半熟 好嫩滑😋我地仲追加左和牛薄炙壽喜燒里脊肉配雞蛋 特選牛薄燒海膽壽司肉質好鬆軟 肉味好濃郁 海膽好鮮味😍值得一讚除左野食種類好多之外連飲品同甜品都好選擇飲品除左罐裝飲品 仲有自家製既 果茶 果汁～甜品櫃簡直令我心心眼 牛牛棉花糖勁卡哇伊🐮另外多款雪條 角十棒 宇治金時 迷你鯛魚燒 白桃烏龍 其實已經食到好飽 但都忍唔住食四條🤣 白桃烏龍值得一試 白桃雪條包住奶蓋雪糕同烏龍茶雪糕 好特別😍