上州一頭和牛燒肉 (已結業)

已經無去日本幾個月啦，好挂住日本D燒肉，所以最近就去左尖沙咀既【上州一頭和牛燒肉】食燒肉解解癮。餐廳有得單點或者叫set，我地就叫左極品水煎鍋6品set、熱情果菠蘿烏龍果茶、荔枝西柚水果綠茶。 極品水煎鍋6品set包括日本A5和牛西冷、日本A5和牛牛板腱、澳洲M7和牛外肩肉、美國牛小排、西班牙黑毛豬梅頭、鹿兒島鷄扒、野菜拼盤、白飯 湯底壽喜湯、麻辣湯 第一次食水煎鍋，好似打邊爐禁煲下D食材先，之後再煎。食材、尤其係比較難熟同入味既蔬菜比起平時普通燒肉會更好食。 肉類的話個人最鍾意澳洲M7和牛外肩肉同美國牛小排、唔會太油，牛味香濃。蔬菜基本上全部都非常不錯。 另外水果茶非常清新、解渴一流。 不過餐廳冷氣唔係太夠，會比較熱少少。