影片
更多
2022-07-24
30 瀏覽
好耐都無嚟過屯門市廣場, 比起以前真係有好大變化, 商店及食肆都變得更多元化. 晚餐時間打算到Foodcourt睇下有咩食, 發現旁邊有間環境唔錯嘅燒肉店食和牛, 就決定入去試下!餐廳用左日式簡約風格設計, 座位好寬敞而且感覺通風系統幾好, 唔會聞到好大陣油煙味.點餐後就有專人幫你燒, 咁就唔怕燒得太耐而糟蹋左啲牛!～椰菜絲沙律～作為前菜配以青瓜及蛋黃碎, 入口夠凍, 好開胃.~特上牛小排~牛小排是取自牛肉的肋脊部位, 肉質鮮紅且結實, 店員把兩面燒至大概7成熟, 將肉汁同油脂取得完美平衡點, 燒嘅過程中, 牛肉香氣完全發揮出來, 引到我地流晒口水~~味噌醬燒和牛肩肉芯~肩胛部中的下肩胛翼板肉, 又稱「 霜降」, 係牛肩較軟的部位, 含有比較多嘅筋絡及油花.用上味噌醬腌製, 非常入味, 肉質食落軟嫩適中, 牛味濃郁而餘韻分明.~旨肉!黑毛和牛三筋~識食一定食三筋和牛肉, 係稀有嘅燒肉部位, 三筋肉位於肩甲骨內側連住三條筋腱而得名, 中間一條筋咁嘅坑紋係此部位的特徵之一, 呢個部位牛味濃厚, 口感非常獨特, 肉汁豐腴嫩滑, 再加上京蔥醬, 可以中和到濃厚嘅牛味, 食落吾會過膩.~厚切鑽石
好耐都無嚟過屯門市廣場, 比起以前真係有好大變化, 商店及食肆都變得更多元化.
晚餐時間打算到Foodcourt睇下有咩食, 發現旁邊有間環境唔錯嘅燒肉店食和牛, 就決定入去試下!
餐廳用左日式簡約風格設計, 座位好寬敞而且感覺通風系統幾好, 唔會聞到好大陣油煙味.
點餐後就有專人幫你燒, 咁就唔怕燒得太耐而糟蹋左啲牛!
～椰菜絲沙律～
作為前菜配以青瓜及蛋黃碎, 入口夠凍, 好開胃.
~特上牛小排~
牛小排是取自牛肉的肋脊部位, 肉質鮮紅且結實, 店員把兩面燒至大概7成熟, 將肉汁同油脂取得完美平衡點, 燒嘅過程中, 牛肉香氣完全發揮出來, 引到我地流晒口水~
~味噌醬燒和牛肩肉芯~
肩胛部中的下肩胛翼板肉, 又稱「 霜降」, 係牛肩較軟的部位, 含有比較多嘅筋絡及油花.
用上味噌醬腌製, 非常入味, 肉質食落軟嫩適中, 牛味濃郁而餘韻分明.
~旨肉!黑毛和牛三筋~
識食一定食三筋和牛肉, 係稀有嘅燒肉部位, 三筋肉位於肩甲骨內側連住三條筋腱而得名, 中間一條筋咁嘅坑紋係此部位的特徵之一, 呢個部位牛味濃厚, 口感非常獨特, 肉汁豐腴嫩滑, 再加上京蔥醬, 可以中和到濃厚嘅牛味, 食落吾會過膩.
~厚切鑽石牛舌~
牛舌有肉質嘅口感, 品嚐得到油脂, 但係就無油滋滋的膩.
將牛舌放係高溫嘅鐵板上, 將獨有風味都鎖係牛舌內, 厚切食起嚟好有口感, 入口可以用脆、嫩、鮮嚟形容, 擠上清新嘅檸檬汁, 簡直係點食都唔膩.
~名物!菠蘿漬鑽石和牛胸腹肉~
胸腹肉來自牛嘅胸骨和腹腔內的兩個分開的肌肉，係肋骨嘅下方.
此部位屬於「外裙」(Outside Skirt) 位置, 口感軟嫩帶有嚼勁, 風味濃厚, 油花細膩, 輕輕一煎已經油香四溢, 未入口都已經感受到難以抗拒的香氣誘惑.
下面嘅菠蘿亦吾係裝飾, 菠蘿燒後十分甜又JUICY, 一啖牛, 再食一啖菠蘿, 非常解膩.
~幸福!生蛋拌飯配漬海苔~
燒過嘅牛加上被蛋漿滲入嘅飯能突顯牛嘅肉質更香嫩, 口感層次更豐富, 食落有滿滿嘅幸福感!
~白桃梳打 & 沖繩菠蘿梳打~
白桃梳打有甜甜的蜜桃香氣係口中蔓延; 沖繩菠蘿梳打味道鮮甜且清新.
炎炎夏日, 再加上食燒肉, 飲一啖就即時有透心涼嘅感覺.
張貼
