鉄人旨花

營業中

休息中

呢間鐵板燒見到有多人推薦，今次終於去試下。我地叫左南非鮑魚二人餐和龍蝦二人餐，除了主菜即係鮑魚和龍蝦唔一樣之外，其他菜式都係一樣。汁煮白鱈魚：口感同銀鱈魚差唔多，白鱈魚肉質實少少，個人更鍾意白鱈魚，配上洋蔥同醬汁，好好味。龍蝦配海膽汁：醬汁係以海膽、龍蝦同南瓜做成，呢個配搭都幾新鮮。霜降和牛：師傅煎到外脆內嫩，仲有淡淡嘅紅酒香，這味餸係成餐入面最驚艷。甜品：師傅私人送左紅豆銅鑼燒，另外跟餐仲有雪糕同埋蜜瓜，雪糕我要左豆腐味，好似雪到結冰嘅豆腐咁。整體黎講都唔錯，侍應識自動加茶，唔洗三催四請都有熱茶飲，食物全部都唔錯，師傅亦都好健談。