壹玖陸零 (已結業)

最近發現好多餐廳都用年份嚟命名, 本身係一件好易記嘅事, 不過如果間間都係年份, 都真係幾易記錯🙃 今次去食嘅呢間🔸1960🔸係喺工廈入面嘅, 餐廳座位幾闊落, 枱與枱嘅距離亦好足夠, 唔會覺得擠迫。以紅磚牆配霓虹光管, 可以比人用嚟打卡。🥘 椰菜花忌廉湯個湯望落去平平無奇, 不過飲落好驚喜, 香濃幼滑, 用菜嚟做嘅湯感覺好健康。🍝 傳統卡邦尼意大利粉賣相好精緻呀, 無諗過可以食到晚飯嘅水準。意粉軟硬剛好, 卡邦尼汁濃稠適中, 可以掛汁。唯一美中不足係煙肉粒味道偏鹹, 夾埋意粉一齊食會搶咗個味, 亦都無辦法食曬。🍮 白兔糖奶凍脆脆我本身對甜品免疫, 本來打算試一啖, 結果佢係好味到令我食曬成杯(雖然唔係好大杯), 奶味香濃, 奶凍做得好幼滑, 配合埋脆脆一齊食, 口感好好。整體食物都好好, 職員亦都好Nice, 係一間高質嘅工廈餐廳, 值得推介。