沙田一至尊燒鵝·生滾粥品專門店 (已結業)

今次試咗佢個叉鵝瀨，好少地方有瀨粉食喇~ 啲粉都幾多，而且唔會煮到好腍，幾好食。啲燒味嘅味道同口感都保持一貫水準，可惜唔知係唔係咁啱切正無乜肉嘅位，啲燒鵝主要係皮，唔多肉。不過真係好中意佢個叉燒，唔柴好嫩之餘又好香叉燒味。另外啲侍應都好主動同好熱情，我哋隔離檯坐咗幾位泰國遊客，個姐姐好努力咁用英文同佢溝通，仲會同佢哋傾計🤣🤣 我哋喺隔離聽得好開心。可惜佢哋個湯煲壞咗啦，佢每日都有唔同例湯，之前試過味道都唔錯。等下次湯煲整返再去～